Жаҳонгир Жиямуродов: "Рубин" Ўзбекистон кубогидаги катта ўйинлар орқали тажриба тўпламоқда"

"Насаф" Ўзбекистоннинг совриндор клубларидан бири, доим ўз олдига юқори мақсадлар қўядиган клуб. Бу жамоа исталган рақибга қарши баҳсда бор кучи билан ўйнайди.

"Рубин" клубига келганимга бир ҳафта бўлди. Кубок ўйинлари бизга дарс бўлмоқда. Ўтган турда "Бунёдкор"га қарши ўйнадик, камчиликларни йигитларга тушунтирдик. Мана бугун ҳам тажрибали клубга қарши ўйнадик. Шу катта клублар билан ўйинлар орқали Биринчи лигадаги ўз мақсадларимизга эришишга интиламиз.

Биринчи лигада "Жомбой"га ютқазиб қўйилганидан кейин олдинги мураббий истеъфога чиқарилди. Таклиф бўлишини очиғи кутмагандим. Раҳбарият билан гаплашиб олдик. Ёзда таркибга ёш футболчиларни жалб қиламиз. Насиб қилса яхши жамоа қилиб шакллантирмоқчимиз.

Алишер Азизов биринчи таймда кўп югурди, кўп меҳнат қилди. Барибир жисмоний ҳолати юқори даражада эмас. Нафақат у, Акром Баҳритдинов, Асилбек Амонов каби тажрибали футболчилар бор. Бугун асосан ёшларга имконият беришга қарор қилдик", - дейди Жаҳонгир Жиямуродов.