Жаҳонгир Жиямуродов: "Бунёдкор", "Насаф" ва "Сўғдиёна" билан ўйинлар "Рубин"га катта дарс бўлди"

"Ўтган турда "Насаф" билан ўйиндан кейин ҳам айтгандим. Биз ўйиндан-ўйинга кучайиб боришга уринаяпмиз. Йигитларга раҳмат айтаман, ҳужумда ёш футболчиларни синаб кўрдик, гол уришга ҳам эришдик. Барибир даражада фарқ сезилди. 75-дақиқадан кейин футболчиларимнинг кучи қолмади, ўзгаришлар деярли ўзини оқламади. Тактик томонлама, ўзимизнинг қўпол хатоларимиз билан иккита гол ўтказиб юбордик", - деди Жиямуродов.

- "Рубин" жуда қийин гуруҳга тушганди, бу футболчиларнинг руҳиятига таъсир қилмадими?
- Тўғри гуруҳ жуда кучли эди. Аммо шундай кучли клубларга қарши баҳслар биз учун мактаб бўлади. Учта ўйиндаги хатоларни бартараф этишга уринамиз. Биринчи ўйинда "Бунёдкор"га ўта йирик ҳисобда ютқаздик, кейинги иккита баҳсда барибир ўзимизга келдик.

- "Рубин" Биринчи лигадаги мақсади қандай?
- Раҳбарият катта мақсадлар қўйган. Клубга келганимга кўп бўлгани йўқ, мақсадимиз Про лигага чиқиш. Таркибга "Истиқлол"дан 2-3 футболчини қўшиб олдик.