Жаъфар Ирисметов: "Обод" футболчилари бугун 150 фоиз куч билан ўйнашди"
23 сен 2016 22:09
Янгиликлар

Жаъфар Ирисметов: "Обод" футболчилари бугун 150 фоиз куч билан ўйнашди"

"Локомотив" - "Обод" учрашувидан сўнг меҳмонлар устози Жаъфар Ирисметов ўз фикрларини билдирди.

"Ўйлаган режамиз амалга ошди. Биринчи бўлимда Норхонов ва Дониёр Ҳасановни захирада қолдирдик. Дастлабки таймда 0:0 ҳисобини сақлаб қолишни мақсад қилгандик. Уларни майдонга туширганимиздан сўнг ўйинимиз кучайди ва дурангга эришдик.

Олдин ҳам айтганман, бу жамоада йил бошида ҳам ишлаганман. Жамоада катта ўзгаришлар қила олмайман, аммо бизга очко сув ва ҳаводек зарур.

Бугун очко йўқотдикми ёки "Локомотив"ми? Ўйиндан олдин кимдир менга дуранг бўлади деб айтса хурсанд бўлардим. Аммо ўйиндан келиб чиқсак ютиб туриб охирги дақиқаларда икки очкони йўқотганимиз аламли.

Йигитларга раҳмат айтаман, улар 100 эмас 150 фоиз куч билан ҳаракат қилишди.

"Локомотив" балки бизни менсимагандир. Шу боис дуранг қайд этилган бўлиши мумкин", - дейди Жаъфар Ирисметов.

"Обод" матбуот хизмати

Ҳавола :

Манба : championat.asia

Янгиликларни Телеграмда ўқинг!

Рейтинг: +10