Ихтиёр Тошпўлаптов: «Машъал»дан қарздор бўлиб қолавераман»

Футболчининг ташрифи чоғида ундан ўзимиз қизиқтирган саволларга жавоб олдик.

- Мени футболчи деган номга сазовор қилган ва сабабчи бўлган ягона жамоа бу сўзсиз «Машъал»дир. Шундай экан, Муборак халқи ва «Машъал»дан бир умр қарздор бўлиб қолавераман. Муборакда ўсдим улғайдим дўстлар орттирдим, профессионал бўлиб танилдим, мен бу жамоанинг аъзосиман ва бундан фахрланаман, - дейди Тошпўлатов.

-   Янги мавсумни ҳам Жиззахликлар сафида ўтказасиз, Файзиев жамоасидан янги мавсум нимани кутсак бўлади?
-   Янги мавсум жамоамиз янада мазмунли ўйин намойиш этиши аниқ. Даврон Файзиев тажрибали мутахассис шундай экан ҳар ҳолда “Сўғдиёна” очко улашувчи жамоа бўлмаслиги аниқ.

-   Бу мавсумда «Машъал» имкониятларини қандай баҳолаган бўлардингиз?
-   Биласизми ўтган мавсумда «Машъал» эсда қоларли даражада ўйин намойиш этди. «Пахтакор» ва «Насаф» Муборакда ожиз қолди, «Бунёдкор» эса икки баҳсда ҳам «Машъал»ни мағлуб этолмади. Ўз майдонида мамлакат чемпиони «Локомотив»ни мағлубиятга учратган «Бухоро» ҳар икки ўйинда «Машъал»га имкониятни бой берди. Бу мавсумда «Газчилар» яна кўпгина гигантларимизни чорасиз қолдира олади. Буни мен юқори баҳолайман албатта.

- Кўпгина Мубораклик мухлислар сизни «Машъал»дан бутунлай кетган деб ўйлашади.
- Меннинг «Машъал» билан амалдаги шартномам 2018 йилга қадар тузилган. Ҳали яна «Машъал» либоси остида кўп бора майдонга тушаман.