UZ

Сўнгги янгиликлар

13:55Ўзбекистон терма жамоаси Гонконгга етиб борди  3 13:44"Лацио" сотилмайди!"  0 13:22"Ал Аҳли" Аргентина термаси ярим ҳимоячисини сотиб олмоқчи  0 13:00Ориф Маматказин, "Обод" собиқ устози, "Нефтчи" афсонаси — U-19 чемпионатида ишлайдиган мураббийлари билан танишамиз (1-қисм)  2 12:49Санчо "Боруссия"да қолишни истайди  1 12:19Жароҳат олган бўлсада, Кейн терма жамоа лагерига йўл олди   2 11:42АПЛнинг икки вакили Австралияда майдонга тушади  0 11:04Роналду Швеция билан ўйин учун Португалия терма жамоасининг қайдномасига киритилмади  5 10:31Суперлига-2024: 3-тур баҳсли вазиятлари юзасидан Эксперт-ҳакамлар комиссияси хулосаси  7 10:04«Жаҳон чемпионатининг саралаш учрашувларига ёш, тажрибасиз ва янги футболчиларни жалб этиб, уларни ўйин услубига мослаштириш учун вақт йўқ, чунки бу жуда мураккаб» - Катанец ОФК расмий сайтига интервю берди  20 09:51Пике «Барселона» бош мураббийлиги учун икки номзодни айтди  4 09:23Англия терма жамоаси Евро-2024 учун либосини тақдим этди  3 09:15Рустам Мирсодиқов 70 ёшда!  3 08:52«Арсенал»нинг яна бир футболчиси термада ўйнашдан бош тортди  5 08:25Стерлинг кечирим сўради  4

Италия футболида порлаётган юлдуз Янгиликлар

Италия футболида порлаётган юлдуз

Кутиб олинг, "Рома"да Италия футболининг келажаги сифатида эътироф этилаётган Николо Дзаньоло порлаб чиқмоқда.

Николо Дзаньолони кўпчилик англиялик футбол юлдузи Фрэнк Лэмпардга қиёсламоқда.

"Мен жуда бахтлиман. Буни сўз билан ифодалаб беролмайман. Бу кечани ҳеч қачон унутмайман", - дея ўз фикрларини билдирди ЕЧЛ нимчорак финал доирасидаги "Рома" - "Порту" (2:1) ўйиндан кейин Николо Дзаньоло.


Маълумот ўрнида:

Исм-шарифи: Николо Дзаньоло
Клуби: "Рома"
Дебют: 19 сентябрь, 2018 йили "Реал"га қарши (ЕЧЛ УЕФА)
Позиция: ҳужумкор ярим ҳимоячи
Фуқаролиги: Италия
Туғилган санаси: 1999 йил, 2 июль.
Оёғи: чап
Бўйи: 190


У ҳақида нима дейишмоқда?

"Николо ёшига нисбатан жисмоний жиҳатдан жуда кучли. Юқори техника соҳиби. Дзаньоло ажойиб футболчига айланиб улгурган. Келажакда эса ҳақиқий чемпионга айланиш имконияти мавжуд", - дейди Даниэле Де Росси ("Рома" сардори).

"Мен уни А Серияда дебют қилишидан аввалроқ Италия терма жамоасига чақиргандим. Чунки унинг Италия ёшлар терма жамоасидаги ўйинларини кўриб ҳайратда қолганман. Ўшандаёқ менга жуда ёққанди. Николо ўйиндан-ўйинга кучайиб, футболчи сифатида шаклланиб бормоқда. Дзаньоло бу қадар тезда ўсишга эришишини ҳеч ким кутмаганди. Дзаньолода Италия футболида анча йиллардан буён кўринмаётган футболчига хос барча сифатлар мавжуд", - дея ёш иқтидор ҳақидаги фикрларини билдирди Италия терма жамоаси бош мураббийи Роберто Манчини.

"Ғаройиб футболчи, куч ва техникаси бирга мужассамланган иқтидор эгаси. Николода жаҳон футболи юлдузига айланиш учун потенциал етарли", - деди "Интер" ёшлари жамоаси мураббийи Стефан Векки.

"Дзаньоло жуда тезликда ўсишга эришаётган футболчи. Муҳими, Николо меҳнатдан қочмаслиги ва ўсишда давом этиши лозим. Дзаньоло ўз хатоларини кўриб, ундан хулоса чиқариши керак. Баъзан Николо марказда жуда эрта рақибдан тўпни олишга киришади. Баъзида хотиржамроқ ўйнаши лозим. Умуман олганда эса Николодек футболчига эътироз қилиш ноҳақлик", - дейди "Рома" бош мураббийи Эусебио Ди Франческо.

"Дзаньоло - замонавий ҳужумкор ярим ҳимоячининг яққол намунаси. Жуда катта жисмоний куч эгаси ва заргарона чап оёқ соҳиби", - дейди Франческо Тотти.



Фаолиятидаги йўл

Николо Дзаньолони ўз вақтида "Женоа", "Фиорентина" ва "Милан" қўлга кирита олмаган. "Рома" эса ўтган йили ёзда иқтидор соҳиби билан шартнома имзолашга муваффақ бўлди. 2016/17 йилги мавсумда Б Серия иштирокчиси "Виртус Энтелла" сафида жавлон урган. Дзаньоло ҳақида биринчи бор 2018 йили сентябрь ойида шовқин кўтарилди. Чунки Роберто Манчини ҳали А Серияда дебют қилмаган 19 ёшли истеъдод соҳибини терма жамоага таклиф этади. Шундан сўнг барча италияликлар Николо ҳақида гапира бошлашди. Унинг иқтидори Италия футболининг диққат марказига айланди. Кейинчалик эса Николо "Рома"да дебют қилишга муваффақ бўлди. Яна қаерда? ЕЧЛ доирасидаги Мадридда ўтган "Реал"га қарши беллашувда Дзаньоло "Рома" таркибидаги дебют учрашувини ўтказди.

Италиянинг қуйи дивизион жамоаларида тўп тепган ҳужумчи Игорь Дзаньолонинг ўғли А Сериядаги илк голини ўтган йили декабрда "Сассуоло" билан бўлган учрашувда урди.  Бундай тезда ўсаётган футболчига хаттоки Тотти ҳам ҳасад қилган бўларди. Кейинчалик Дзаньоло Италияда яна иккита гол уришни уддалади. Куни кеча эса футболчи Дзаньоло ҳақида бутун Европа билди.


Ўйин услуби

Дзаньоло жисмоний жиҳатдан жуда кучли, техник юқори салоҳият соҳиби, иккала оёғи билан ҳам яхши зарба бера олади. Николо жуда ёш бўлишига қарамасдан ҳақиқий универсаллик намойиш этаётган замонавий хавбек. Николонинг асосий нуқтаси - марказий ярим ҳимоя. Аммо Ди Франческо ундан кўпинча "инсайд" ролида, яъни ҳужумчи ортида фойдаланмоқда. Ёки ҳужумкор вингер, яъни "Порту" билан ўйинда бўлгани сингари қанотда ўйнатмоқда.


Кимга ўхшайди?
Веккининг (Дзаньолонинг собиқ мураббийи) сўзларига кўра, Дзаньоло "бокс-ту-бокс" (ўз жарима майдончасидан рақиб жарима майдончасига борадиган) ролидаги жуда самарадор ярим ҳимоячига айланиши мумкин. Николо Фрэнк Лэмпард ва Стивен Жеррард типидаги футболчига ўхшайди.


Катта футболга ёриб киргани

Италияда айтиладигандек, "la prima volta non si scorda mai" (Биринчиси унутулмас бўлади). Дзаньолонинг катта футболдаги биринчи голи айнан унуталмас бўлган. Николо "Сассуоло" жарима майдончасига ўнг қанотдан киради ва бир ҳимоячини "қулатади" ҳамда тўпни дарвозабонни доҳда қолдириб узоқ бурчакни нишонга олади. Гўзаллик!


Идеал сценарий

Агарда Дзаньоло камида шундай темпда ўйнашда давом этса, катта эҳтимол Роберто Манчини уни терма жамоага жалб этади. 2020 йил 12 июлда Евро-2020ни очилиш учрашуви "Олимпико" стадионида бўлиб ўтади. Тўғри, Италия ҳали Европа чемпионатига йўлланма олгани йўқ. Аммо назарий жиҳатдан мазкур сана Дзаньоло учун "скуадра адзурра" сафидаги унутилмас кунга айланиши мумкин. Манчини Николони қандай қадрлашини инобатга оладиган бўлсак, квалификация раундида Дзаньоло терма жамоанинг асосий футболчиси бўлиши мумкин.


"Голни "Рома" мухлислари қаршисида нишонлашни сўз билан ифодалаб бўлмайдиган ёқимли ҳолат. Умид қиламанки, "Рома" сафида ҳали кўплаб муҳим голларни ураман"

Мен ҳали қаттиқ меҳнат қилишим, машғулотларда кучли тер тўкишим лозим. Ҳаммаси ҳали олдинда.

Менга доимо Каканинг ўйинлари ёққан. Кака мен учун ҳақиқий ўрнак. Унинг даражасига чиқиш учун ҳали узоқ ишлашим керак", - дейди қаҳрамонимиз Николо Дзаньоло.

Қайд этиш керак, Николо Дзаньоло жорий мавсумда Италия А Сериясида 14 ўйин ўтказди ва 3та гол киритди. Шунингдек, Николо жамоасининг 2та голига ассистентлик қилган. ЕЧЛ нимчорак финал доирасидаги "Порту"га қарши баҳсда футболчи дубль муаллифига айланди.

Рейтинг: +23   

Фикрлар

championat.asia
< сўнгги янгиликларни кўриш
Яндекс.Метрика