Италия Эрон сабабли жаҳон чемпионатига йўл олиши мумкин
31 мар 2022 23:57
Янгиликлар

Италия Эрон сабабли жаҳон чемпионатига йўл олиши мумкин

Италия терма жамоаси ЖЧ-2022 учун плей-офф ўйинида Шимолий Македония терма жамоасига қарши ўйинда (0:1) мағлубиятга учраганига қарамай, жаҳон чемпионатида иштирок этиши мумкин.

2021 йилги Европа чемпиони агар Эрон терма жамоаси Қатардаги турнирда иштирок этиш ҳуқуқидан маҳрум этилса, уларнинг ўрнини эгаллаши мумкин.

Манбанинг хабарига кўра, бунга Эрон расмийлари 29 март куни ЖЧ-2022 саралаши доирасида Ливанга (2:0) қарши ўйин вақтида чипта сотиб олганига қарамай, 2000 нафар аёлни стадионда тўсиб қўйган воқеа сабаб бўлган. Кейинчалик ФИФА Эронни аёлларнинг ўйинларга ташриф буюриши тақиқланишига йўл қўйилмаслиги ҳақида огоҳлантирди.

Италия терма жамоаси ЖЧ-2022 йўлланмасини қўлга киритиши мумкин, чунки уларда турнирда иштирок этмайдиганлар коэффициенти энг юқори бўлиб турибди.

Маълум қилинишича, Эроннинг Қатарда бўлиб ўтадиган ЖЧ-2022дан четлатилиши энг экстремал вариант ҳисобланади ва бундай бўлишнинг эҳтимоли паст.

Эслатиб ўтамиз, жаҳон чемпионати 2022 йилнинг 21 ноябридан 18 декабрига қадар Қатарда бўлиб ўтади. Турнирга қуръа ташлаш маросими 1 апрель куни Доҳада ўтказилади.

Ҳавола :

Манба : Sport Mediaset

Янгиликларни Телеграмда ўқинг!

Рейтинг: -43