"Истиқлол" ёрдамчи мураббийи: "Оқ-тепа" ҳақли ғалабага эришди"

- Ўйин ҳақида

"Оқ-тепа" жамоасини ғалаба билан табриклайман. Улар бугун ҳақли ғалабага эришишди. Жамоамиз раҳбарияти ва мухлислардан футболчилар ҳамда ўзимизнинг номимиздан узр сўрайман. Ўйин борасида фикрим, "Оқ-тепа" биздан 2-3 кун кўпроқ дам олди. Биз бор кучимизни "Нефтчи" билан ўйинга ташлагандик. Дерби учрашувидан сўнг ҳали тикланиб улгурмагандик. Ҳозир шундай деб ҳисоблаяпмиз, бу борада яна таҳлил қиламиз. Бугунги ўйинда футболчиларга ҳеч қандай эътироз йўқ. Улар бугун қўлларидан келганича ҳаракат қилишди. Яна бор жамоамиз номидан мухлислардан узр сўраймиз.

- "Истиқлол" таркибида бир қатор тажрибали ва Суперлигада ўйнаган футболчилар бор. Лекин мавсумда 4 та мағлубият билан яққол аутсайдерга айланиб қолди. Бу нима билан боғлиқ?

- Мани фикримча, мавсумга тайёргарликнинг сўнги кунларида иложсиз холатда янги футболчиларни таркибга жалб этдик. Суперлига тугул хатто Биринчи лигада ўйнамаган футболчиларни ҳам жамоамизга қўшилди. Ўринбосарлар таркибимиздан ҳам ёш футболчиларни таркибга қўшиб олдик. Бизда ҳозир бошқа иложи йўқ, биринчи давра якунига қадар шу таркиб билан ўйнаймиз. Суперлигада ўйнаган тажрибали йигитлар ҳали ўз сўзини айтади, ҳозирча бизга яққол аутсайдер деб қараш нотўғри.

- Бу йил раҳбарият жамоа олдига қандай вазифаларни қўймоқда?

- Бугунги мағлубиятдан сўнг раҳбарият билан суҳбатлашдик. Улар бу йилги мавсумда юқори бешликка киришни вазифа қилиб қўйишди.