"Истиқлол" жамоаси ПРО-Лигада фаолиятини давом эттиради

Хабарингиз бор, куни-кеча Фарғона вилояти ҳокими ўзгарди. Бир неча йиллар давомида Наманган вилояти ҳокими лавозимид ишлаб келган Хайрулло Бозоров афтидан Фарғонадаги илк ишини "Истиқлол" жамоасини тиклаш билан бошлаган кўринади. 

Олинган маълумотларга кўра, жамоа раҳбарияти янги ҳоким билан учрашиб, мақсадларини тушунтирган ва якунда бу масала ижобий хал этилди. Шу тариқа бугун "Истиқлол" жамоаси ўз қароргоҳида йиғилади ва чемпионатдаги иштирокини давом эттиради. Айтишларича эндиликда жамоа уй ўйинларини Фарғонадаги муҳташам "Истиқлол" стадионида ўтказади.

Маълумот учун, бунгача жамоа бош мураббийи сифатида ишлаб келган Сергей Лебедев яқинда ўзи учун қадрдон бўлиб қолган "Нефтчи" мураббийлар штабида фаолият юрита бошлади. Бундан ташқари жамоанинг 6 нафар асосий футболчиси ўзига янги жамоа топишга улгурганди. Умид Қодиров ("Турон"), Файзулло Жуманқўзиев ("Бухоро"), Умар Адхамзода, Рустам Абдуҳамидов ("Нефтчи"), Мўйдин Мамазулунов ("Оқ-Тепа"), Улуғбек Худойбердиев ("Динамо") шулар жумласидандир.