Ispaniyaliklar JCH-2022 guruh bosqichining Kosta-Rika terma jamoasiga qarshi o'yinida 7:0 hisobida g'alaba qozonishdi. Ular bahsning 81,7% qismida to'pga egalik qilishdi va Argentinaning JCH-2010da o'rnatgan rekordini yangiladilar. O'shanda argentinaliklarning Gretsiyaga qarshi o'yinda to'pga egalik qilish darajasi 80,3% ni tashkil qilgan.
2022 yilgi Jahon chempionati Qatarda bo'lib o'tmoqda va u 18 dekabrda yakunlanadi. Ispaniya "E" guruhida Kosta-Rika, Germaniya va Yaponiya bilan bahslashmoqda. Ispaniyaliklarning navbatdagi o'yini 27 noyabr kuni germaniyaliklarga qarshi bo'lib o'tadi.
