Илёс Зейтуллаев: "Терма жамоамиз максимал натижа билан уйга қайтишига ишонаман"

"Миллий терма жамоамиз Қатар ва КХДРга қарши учрашувлар олдидан анча яхши кайфиятда деб ўйлайман. Бу бизга устунлик беради. Биз гуруҳда етакчимиз, лекин хотиржамликка берилиш керак эмас. Рақибларимиз бизга қарши агрессивроқ ўйин намойиш этишади. Йигитларга ва мураббийларга омад тилайман. Терма жамоамиз тўғри йўналишда. Терма жамоамиз максимал натижа билан уйга қайтишига ишонаман. Ҳозир терма жамоамиз анча мазмунли ўйин намойиш этмоқда. Терма жамоамизни бирга қўллаб-қувватлашда давом этсак, биз истаган натижага эришишимизга ишонаман.

Ҳозир терма жамоамиз тартибли ўйин намойиш этмоқда. Тўғри, футбол мухлислар истаган даражада қизиқарли бўлмаслиги мумкин, аммо футбол шундай. Фикрлар ҳар доим иккига бўлинади. Кимга чиройли футбол керак, баъзиларга эса натижа қизиқроқ. Бош мураббийга бўлаётган босим катта. Сабаби эртага мураббийдан қанча вақт тўпга эгалик қилгани ёки жамоа нечта гол ургани сўралмайди. Биз ҳеч қачон мундиалда иштирок этмаганмиз. Томошабоп ўйин билан бирга натижага эришиш яхшироқ, албатта. Ҳозир ЖЧга чиқиб олайлик, чиройли ўйинни эса мундиалда кўрсатамиз," — деди Илёс Зейтуллаев терма жамоамизнинг навбатдаги учрашувларидан олдин.