Илҳом Мўминжонов: "Дурангга мос ўйинда ютқаздик"
31 мар 2018 22:30
Янгиликлар

Илҳом Мўминжонов: "Дурангга мос ўйинда ютқаздик"

“Қўқон-1912” – “Навбаҳор” учрашувидан кейин ўтказилган матбуот анжуманининг биринчи қисмида меҳмонлар устози Илҳом Мўминжонов ва “Навбаҳор” аъзоси Остон Ўруновлар иштирок этишди.

Илҳом Мўминжонов: Бугунги ўйин жанговор ўйин бўлди. Ҳар икки жамоа шиддатли ўйнашга ҳаракат қилишди. Биринчи бўлимда ҳужумчимиз вазиятдан фойдалана олмади. Учрашув якунланиши арафасида ҳимояда хатога йўл қўйдик ва бу хато қимматга тушди.

Бу футбол, 15 дақиқа қолганда ҳужумчини туширдик. Аюбхон Нўъмонов захирадан майдонга тушиб ўйинни кучайтирди. Лекин ҳимоядаги хатоимиз бизга қимматга тушди. Мураббий қайси пайт футболчи туширишни сезиши керак. Бугунги мағлубиятга ўзимиз сабабчи бўлдик. Айбни бировдан ахтариш керак эмас. “Қўқон-1912”га кейинги ўйинларда омад тиламан.

Дурангга мос бўладиган ўйинда мағлубиятга учрадик.

Остон Ўрунов: Ўйин дербига хос тарзда вазиятларга бой бўлди. Мухлислар ажойиб футбол гувоҳига айланишди.