Илҳом Ҳамроев: “Биз халқаро майдонда ҳам медаллар учун кураша оламиз”

“Жиззах-Кентекс” ўз тарихида илк маротаба ғолибликни қўлга киритди. Бунда жамоанинг етакчи футзалчиси Илҳом Ҳамроевнинг ҳам ҳиссаси катта бўлди. У билан мавсум якунлари бўйича фикрларига қулоқ тутдик. 

“Чемпионликга осонликча эришганимиз йўқ. Жамоавий ҳамжиҳатлик ва ўзимизга бўлган катта ишонч орқали эришилди. Албатта, мавсум бошида йўқотишлар бўлди. Шундай пайтда ўзимизга бўлган катта ишонч сабаб барчасини ўзгартира олдик. Шундай пайтларда қийин беллашувларда мақсадимиз сари интилдик. Фақат олдинга қараб ҳаракат қилганимиз ўз самарасини берди. Фурсатдан фойдаланиб, жамоамиз раҳбарияти ва бош мураббийи Баҳодир ака Аҳмедовша каттакон раҳмат айтамиз. Уларга миннатдорчилик билдирамиз. 

Ўйлашимча, мавсум давомида “Локомотив” ва АГМК билан бўлган беллашувларда қийинчиликга дуч келдик. Иккиси ҳам биз каби чемпионлик учун курашди. Мана шу беллашувларда жамоамиз қийин ғалабага эришди. 

Биз ўз йўлимизда давом этсак, мақсадларимизни янада катта олиб,  кўпроқ ўз устимизда ишлашда давом этсак, халқаро мусобақаларда ҳам жамоамиз медаллар учун кураша олади. Бунинг учун бизда барчаси мавжуд. Асосийси, тўхтаб қолмаслик лозим.