Булар - турнир жадвалининг энг қуйи поғоналарида бораётган "Нефтчи" ва "Обод" клублари. Иккала жамоа ҳам ҳозирча иккитадан ғалабага эришган ва иккала ғалаба ҳам биринчи даврада қўлга киритилган. Иккинчи даврада эса "Обод" кетма-кет ўйинларда ютқазиб келаётган бўлса, "Нефтчи" ҳартугул учта дуранг ўйнади.
Қизиқ, бу жамоалардан қайси бирига иккинчи даврада биринчи бўлиб ютиш насиб қиларкин. Катта эҳтимол билан "Нефтчи" биринчи бўлиб бирорта ўйинни ютса керак. Негаки "Обод" минг урингани билан ғалаба қозонмайдигандек кўринмоқда. Дарвоқе, 25-турда бу жамоалар Тошкентда ўзаро баҳс олиб боришади.
