Икки Эскобарнинг ўлими ва Колумбия терма жамоасининг аянчли тарихи ҳақида

XX аср киллери Пабло Эскобар томонидан молиялаштирилган Атлетико Насьонал негизида ташкил топган Колумбия терма жамоаси ЖЧ саралашида сафарда Аргентинани 5:0 ҳисобда мағлубиятга учратиб, ўз гуруҳида 1-ўрин билан мундиалга чиқади. ЖЧга яқин, 1993 йил Пабло Эскобар отиб ўлдирилади. У ҳукмронлик қилган Медельин шаҳрида тахт учун кураш бошланади. Бу пайтда ЖЧ бошланади. Руминияга 3:0 ҳисобида имкониятни бой берган Колумбия футболчиларига маҳаллий “киллерлар“ томонидан таҳдид қилинади. Агар улар гуруҳдан чиқмасалар, оилавий қирилиб кетишлари айтилади. Руминия билан ўйиндан кейин Медельинда терма жамоа ҳимоячиси Фернандо Эрреранинг туғишган акаси отиб кетилганлиги ҳақида хабар беришади. Бутун терма жамоа тушкун ҳолатда эди. Мезбон АҚШ билан ўйин улар учун ҳаёт мамот жанги эди. Ўлим таҳдиди билан майдонга чиққан терма жамоанинг, ўйини чиқмади. АҚШни сўнгги 6та ўйинда мағлубиятга учратган Колумбия 2:1 ҳисобида имкониятни бой бериб, гуруҳда қолиб кетди. 

Энг ёмони, медельинлик Андрес Эскобар ўз дарвозасини ишғол қилиб қўйганди. Уйига қайтган Эскобар, 1 ҳафта ўтмай, 27 ёшида ўз шаҳрида мухлис қотиллар томонидан отиб кетилади.

Шу тариқа 80 йиллар охирида наркабарон Эскобарнинг ҳомийлиги остида чўққига кўтарилган Колумбия футболи, футболчи Эскобарни отиб кетилиши билан орқага кета бошлади.

Сайтимиз билан ҳамкорликни йўлга қўйган Алексей Смольянинов ана шу воқеаларни ўз ичига олган ҳужжатли фильмни намойиш этди.