Икардига "Ювентус" қизиқмоқда, бироқ ПСЖ уни Италия клубларига сотишни истамайди

Франциянинг ПСЖ клуби форварди Мауро Икарди Италияга қайтиши мумкин. 

Футболчи аллақачон "Ювентус" бош мураббийи Массимилиано Аллегри билан музокара олиб борган. 

Бироқ трансфер иқтисодий сабабларга кўра амалга ошмаслиги мумкин. Гап шундаки, аргентиналик футболчининг шартномасида агар парижликлар Икардини бошқа А Серия жамоасига сотиб юборишса, ПСЖ "Интер"га 15 миллион евро тўлаш мажбуриятини юкловчи банд бор. Шу сабабли, Париж клуби ҳужумчини Италия жамоаларига сотиш нияти йўқ.

Эслатиб ўтамиз, Икарди бундан аввал Италиянинг бошқа бир клуби — "Интер"да ўйнаган.