Игуаин нега "Наполи" дарвозасига урган голини нишонламагани ҳақида айтиб берди

Баҳс Туринда бўлиб ўтди ва 3:1 ҳисобида мезбонларнинг ғалабаси билан якунланди. Туринликларнинг 2 та голи пенальтидан урилди (Пауло Дибала). Игуаин 64-дақиқада ғалаба тўпини киритиб, уни нишонламади. Эслатиб ўтамиз, Игуаин 2013 йилдан 2016 йилгача неаполликлар шарафини ҳимоя қилган.

"Наполи"га қарши баҳс оғир ўтди. Биринчи бўлимда қийинчилик билан тўпга эгалик қилдик. Танаффусда мураббий сабр қилишимизни ва ҳаммасини ўзгартира олишимизни айтган эди. Натижада зафар қучдик. "Ювентус"нинг кучи шунда. Биз муҳим ғалабага эришдик ва Неаполга яхши кайфиятда йўл оламиз.

Ҳозиргача "Наполи"ни ҳурмат қиламан, аммо "Ювентус"да хурсандман. Шу руҳда давом этишимиз керак" - дейди Игуаин.