Игорь Шквирин: "Йўқотишлар ўз таъсирини кўрсатди"

- Таркибимиздаги йўқотишлар мағлубиятимизнинг асосий омили бўлди. Чунки учта етакчи футболчимиз карточкалар туфайли бугун бизга ёрдам бера олишмади. Ундан ташқари, шогирдларим берган кўрсатмаларимни бажара олишмади. Рақибга маҳорат бобида имкониятни бой бердик. Бизнинг захира ўриндиғимиз узун эмас. Захирадан тушиб ўйинимизни кучайтира оладиган футболчиларимиз етарли эмас. Биринчи давра баҳсида “Бунёдкор”да муаммолар бор эди. Ўшанда тошкентликлар Осиё Чемпионлар лигасининг қайсидир муҳим баҳсини меҳмонда ўтказиб қайтганди. Шундан фойдаланиб, ғалаба қозонгандик, - деди Игорь Анатольевич.