Игорь Шквирин: "Ҳамма нарса ўйинга қандай тайёргарлик кўрилганига боғлиқ"

- Тўғрисини айтаман, башорат қилишни ёқтирмайман. Қолаверса, футболда олдиндан нима бўлишини айтиш қийин. Албатта, Жанубий Кореяда жамоамизни жиддий баҳс кутиб турибди. Ўйин ҳар иккала терма жамоа учун ҳам осон ўтмаслиги аниқ. Жанубий Корея Осиёнинг энг кучли терма жамоаларидан бири саналади. Улар ҳар қандай турнирларда доим фаворит сифатида тилга олинишади. Лекин футболда ютиб бўлмайдиган жамоанинг ўзи йўқ ва ҳар қандай рақиб билан ўйнаса бўлади. Ҳамма нарса ўйинга қандай тайёргарлик кўрилганига боғлиқ.

Умид қиламанки,  терма жамоамиз Жанубий Кореядан ижобий натижа билан қайтади. Терма жамоамизга мухлислик қилган ҳолда қўллаб-қувватлаймиз ҳамда омад тилаймиз.

Агар Жанубий Кореядан очко олиб қайтсак, Жаҳон чемпионатига чиқиш учун имкониятларимиз янада ошади. Аммо олдинда иккинчи давра баҳслари турибди. Шу боис барча масала келаси йили ҳал бўлади. Албатта, терма жамоамизни Россияда ўтадиган жаҳон чемпионатида иштирок этишини хоҳлаймиз. Бунинг учун жамоамизда имконият бор.