Игорь Сергеев: "Астойдил тайёрланамиз ва шунга монанд жанг қиламиз"
28 май 19:45
Янгиликлар

Игорь Сергеев: "Астойдил тайёрланамиз ва шунга монанд жанг қиламиз"

Ўзбекистон терма жамоаси ҳужумчиси Игорь Сергеев БАА ва Қатар билан баҳслар олдидан фикрлари билан ўртоқлашди.

"Ҳаммаси тушунарлики, БАА – кучли терма жамоа. БАА ва Қатар мураббийларини ўзгартирди. Улар жадвалда у қадар яхши ҳолатда эмас, шунинг учун ҳам 3 очко учун бор кучини беради.

Уларни яхши ёки ёмон деб баҳолаб бўлмайди. Бу ЖЧ йўлланмаси учун расмий ўйинлардир. Шу боис рейтинг ўрни ҳавас қиларли бўлмаган терма ҳам майдонда бор кучини ишга солади.

Астойдил тайёрланамиз ва шунга монанд жанг қиламиз", – деди 32 ёшли форвард.

Эслатиб ўтамиз, Ўзбекистонни олдинда иккита ўйин кутиб турибди. ЖЧ саралаш босқичи 9-тури доирасидаги БАА билан ўйин 5 июнь куни 21:00 га белгиланган бўлса, Қатар билан 10-турдан ўрин олган Тошкентдаги баҳс 10 июнь куни 18:45 да бошланади.

Ҳавола :

Манба : Championat.asia

Янгиликларни Телеграмда ўқинг!

Рейтинг: +10