Ҳусайн Норчаев: "Алания" Европа томон трамплин бўлишини истардим"

Тимур Кападзе бошчилигидаги терма жамоамиз мазкур йиғин доирасида Того билан куч синашади. Ушбу учрашув олдидан "Алания" ҳужумчиси Ҳусайин Норчаев ЎФА матбуот хизматига фикрларини билдириб ўтди. 

"Терма жамоага келиш биз учун доим ёқимли, десам тўғри бўлади. Йигитлар бир-бири билан кўришиб, ўзаро ҳамжиҳатликда ўйинимизни янада яхшилаймиз. Олдимизда турган мусобақаларга яхши тайёргарлик кўряпмиз. Машғулотлар кўнгилдагидек кетмоқда. Майдонлар, шароитлар ҳаммаси яхши. 

Рақибга келсак, уларни ўрганяпмиз. Мураббийларнинг ўйинга танлаган тактикаси бор. Янги жамоамга келсак, Европа жамоаларида ўйнаш орзуим бор эди. "Алания" бу борада трамплин бўлишини истайман. 

Спорт формамни тиклаш устида ишлаяпман. Насиб қилса, навбатдаги ўйинларда майдонга тушишга ҳаракат қиламан",- дейди Норчаев.