Ҳолид Ал Фадли Ўзбекистон термасининг араб мамлакатларидан қандай фарқи борлигини айтди
10 окт 12:48
Янгиликлар

Ҳолид Ал Фадли Ўзбекистон термасининг араб мамлакатларидан қандай фарқи борлигини айтди

Ўзбекистонга қарши ўртоқлик ўйинидан сўнг (0:2) Кувайт терма жамоаси ҳимоячиси Ҳолид Ал Фадли (суратда ўртада – таҳр.) Championat.asia сайтига интервью берди.

"Бугунги ўйин биз учун катта имконият эди. Қониқарли ўйин кўрсатдик деб ўйлайман. Энг яхши ўйинларимиз эса ҳали олдинда. Ўзбекистон — жуда кучли жамоа. Улар бежизга Жаҳон чемпионати йўлланмасини қўлга киритмаган. ИншаАллоҳ, кейинги учрашувларда ижобий натижа кўрсатамиз.

Ўзбекистон терма жамоасининг бошқа араб мамлакатларидан фарқи шундаки, бу жамоада жисмоний ҳолат жуда яхши, таркиб кучли ва тезкор ўйин намойиш этади. Умид қиламанки, бу жамоа Жаҳон чемпионатида яхши натижа кўрсатади", – деди 23 ёшли футболчи.

Ҳавола :

Манба : Championat.asia

Янгиликларни Телеграмда ўқинг!

Рейтинг: +9