Ҳамиджон Актамов: "Қизилқум" чемпионлик учун курашади"
14 июл 2016 12:48
Янгиликлар

Ҳамиджон Актамов: "Қизилқум" чемпионлик учун курашади"

"Қизилқум" клуби бош менежери Ҳамиджон Актамов иккинчи даврага тайёргарлик ҳақида маълумот берди.

"Ҳозирга келиб Андрей Деркач ва Вячеслав Шевченко жамоамизни тарк этди. Жамоага улардан кучлироқ футболчиларни олиб келамиз. Таркибимизга Ҳамза Каримов ва Эркин Бойдуллаев қўшилди. 18 июль куни "Қўқон-1912" билан ўртоқлик учрашуви ўтказамиз. Неманья Йованович ва Воҳид Шодиев масаласи ҳозирча 50-50.

Иккинчи даврада мақсадимиз оширилган ва биз чемпионлик учун курашамиз. Ҳамма вақт шуни истаганмиз. Ахир футбол нима учун ўйналади? Шунчаки вақт ўтказиш учун ўйналмайдику! Нимагадир эришишга ҳаракат қилиш керак. 3 ёки 4-ўрин учун курашамиз деб айта олмайман. Мақсад ҳамиша олий бўлиши лозим. Бу - футбол! Майдонда роботлар ўйнамайди, футболни инсонлар ўйнашади", - дейди Ҳамиджон Актамов "Футбол Экспресс" газетасига берган интервьюсида.

Ҳавола :

Манба : championat.asia

Янгиликларни Телеграмда ўқинг!

Рейтинг: +10