Haitham Abbas: "O'zbekiston kuchli, lekin JCH yo'lida ularni mag'lub etmoqchimiz"

“Bugungi emas chorak finaldagi o'yin haqida ko'proq o'ynadik. Bir necha futzalchilarning jarohati bo'lsa  ularga dam berdik. Boshqalarga imkoniyat berdik”, - deydi murabbiy.

- Uchinchi tur o'yinida shogirdlaringiz o'zlariga ko'p ishonib yuborishmadimi?
- Bugungi o'yindagi natija biz uchun hech qanday ahamiyat kasb etmasdi. Barcha e'tiborimiz chorak finaldagi o'yinga qaratilgan.

- Bugun qaysi o'yinni ko'rasiz?
- Albatta O'zbekiston – Livan uchrashuvini kuzatamiz. Sababi biz chorak finalda aynan musobaqa mezboniga qarshi o'ynaymiz. Raqibni o'rganishimiz kerak.

- Jamoa menejeri o'yindan oldin O'zbekistondan qo'rqmayapmiz deb aytib o'tdi. Nimaga ishonib bunday degandi deb hisoblaysiz?
- O'zbekiston terma jamoasi kuchli jamoa. Lekin bizning maqsadimiz Jahon chempionatiga chiqish ekan har qanday jamoani yutishga harakat qilamiz.

- Erondek kuchli raqibga qarshi o'yinda ikkinchi darvozabonni tushirdingiz. Lekin 3ta gol o'tkazib yuborgach yana asosiy posbonni tushirdingiz. Bu xato qarormidi?
- Ikkinchi darvozabonimizga o'yin amaliyoti berish uchun tushirgandim. Ammo u qo'pol xatolarga yo'l qo'gach asosiy posbonimizni tushirdik.