Гвардиола Ҳоланднинг ўйинига баҳо берди

"Англия Суперкубоги ўйинидан кейин Ҳоланднинг ўйини фалокат деб аталди ва энди у Премьер-лигада ўзини кўрсатмоқда. Лекин мен башоратчи эмасман, шунинг учун эртага нима бўлишини айтолмайман. Биз Эрлингнинг Англияга тез мослашиб кетганидан хурсандмиз. Бу нафақат унинг ўйини, балки мураббийлар штабининг иши. Мураббийлар янги келганларга мослашишда ёрдам беришади. "Сити"нинг бошқа футболчилари ҳам ажойиб ўйин кўрсатишяпти. Эрлинг бор-йўғи 22 ёшда, шунинг учун у АПЛда юқори юкламалар билан боғлиқ муаммоларга дуч келмайди", – деди испаниялик мутахассис.

22 ёшли Ҳоланд жорий мавсум "Манчестер Сити" таркибида 6 та ўйинда майдонга тушиб, 9 та гол урди ва 1 та голли узатмани амалга оширди. Унинг клуб билан шартномаси 2027 йилнинг ёзига қадар мўлжалланган.