Гвардиола: “ЕЧЛда ғолиб чиқмоқчи бўлсанг, буюк клубларни таслим этишинг шарт”

“Биз кўплаб вазиятларни яратдик ва “Реал”нинг иккита хатосидан кейин гол урдик. Биз футболчиларни доим олдинга чорлаб, ҳужум қилишларига ундадик. Аммо бундай жамоага қарши ўйнаш осон эмас. Биз доим прессинг уюштиришга уринамиз, аммо баъзида бу кутилганидек чиқмайди. Умуман олганда бугун биз яхши ҳаракат қилдик.

Муҳими – “Реал”ни икки марта ҳам мағлуб эта олдик. Зидан илгари ҳеч қачон ЕЧЛ плей офф баҳсида мағлуб бўлмаганди. Улар бемалол, хотиржамлик билан яхши ўйин намойиш эта олишди.

Биз ЕЧЛда ғолиб чиқиш учун ушбу турнирда юришимизни давом эттираяпмиз. Бугунги ўйин бу соврин учун ташланган бир қадам бўлди. Агар ЕЧЛда ғолиб бўлишни истар экансан, бу каби катта жамоаларни мағлуб этиш лозим бўлади. Кейинги ўйинимизгача олдимизда саккиз кун муҳлат бор. Биз ғалабадан роҳатланамиз ва кейин “Лион” ҳақида ўйлашни бошлаймиз”, деди Гвардиола.