Гуруҳдошларимиз Осиё кубоги-2019га қандай чиқишди?

Қуръага кўра Ўзбекистон миллий терма жамоаси Япония, Уммон ҳамда Туркманистон билан бир гуруҳдан жой олди.

Биз гуруҳдошларимизнинг Осиё кубогига қандай чиққани ҳақида маълумот берамиз.

Қизиғи Уммон ҳамда Туркманистон терма жамоалари саралашни ҳам битта гуруҳда бошлашганди. Ўша гуруҳда Эрон, Гуам ва Ҳиндистон терма жамоалари ҳам бор эди.

Қўшниларимиз Туркманистон терма жамоаси 8та ўйинда 13 очко тўплаб гуруҳда 3-ўринни эгаллаб кейинги босқичга чиқишганди.

Уммон эса ўша гуруҳда 14 очко билан иккинчи бўлганди.

Учинчи босқичда Уммон Фаластин, Мальдив ороллари ва Бутан жамоалари бор гуруҳда 15 очко билан биринчи ўрин билан Осиё кубогига йўлланма олди.  

Туркманистон эса Баҳрайн, Хитой Тайпеи ва Сингапур билан бир гуруҳдан жой олиб 10 очко билан иккинчи ўринни банд этиб қитъа чемпионатига чиқди.

Япония эса дастлабки гуруҳ босқичида Сурия, Сингапур, Афғонистон ва Камбоджа билан куч синашган. 8та ўйинда "самурайлар" 7та ғалаба ва 1та дуранг қайд этишган. Биринчи ўринни олган Япония тўғридан-тўғри Осиё кубогига чиққанди.