Ғалати: "Зенит" мураббийи "Крилья Советов"га футболчи сифатида ўтди
13 июл 2019 14:55
Янгиликлар

Ғалати: "Зенит" мураббийи "Крилья Советов"га футболчи сифатида ўтди

Жорий йил бутсасини михга илган ҳамда мураббийликка ўтган Анюков мазкур фаолиятини ҳам тугатди ва эски ишига қайтди.

Россия чемпиони "Зенит" сафида кўп йиллар ўйнаган ҳимоячи Александр Анюков июнь ойида футболчилик фаолиятини якунлагани ҳақида эълон қилганди.

Шундан сўнг Сергей Семак бошқарувидаги мураббийлар штабига ёрдамси сифатида ишга киришган ва мураббийлик фаолиятини бошлаган Анюков қарорини ўзгартирди.

"Зенит"ни янги мавсумга тайёргарлик жараёнида мураббий сифатида иштирок этган Анюков футболчилик фаолиятини қайта тиклашга аҳд қилди.

Бунга "Крилья Советов" жамоасидан бўлган қизиқиш сабаб бўлган. "Зенит"да ёрдамчи мураббий сифатида иш бошлаган Анюков яна михга илган бутсалари олиб Самарага йўл олган ва мураббийлик ишини тугатишни маъқул кўрган.

Қайд этиш керакки, футболчи айнан Самарада туғилган ва футболдаги илк қадамларини "Крилья Советов"да қўйган.

Анюков аллақачон Самарага етиб борган ва янги жамоаси билан Россия чемпионатининг дастлабки тури доирасидаги ЦСКАга қарши ўйинга тараддуд кўрмоқда.

"Зенит" клуби эса Анюковга янги мавсумда футболчилик фаолиятида омад тилашини маъқул қилган.

Александр Анюков "Крилья Советов"да 22-рақам остида тўп тепади.

Ҳавола :

Манба : championat.asia

Янгиликларни Телеграмда ўқинг!

Рейтинг: +11