Футзал. Бугун клублар ўртасидаги Осиё чемпионатига қуръа ташланади

Осиёнинн энг кучли 12 клуби 4та гуруҳга бўлинган ҳолда кураш олиб боришади. Улар орасида Ўзбекистоннинг амалдаги чемпиони "Олмалиқ" клуби ҳам бор.

Бугунги қуръа маросимида 12та клуб ўтган йилги мусобақадаги натижадан келиб чиқиб саватчаларга тақсимланган. "Олмалиқ" 3-саватчадан жой олган.

Мусобақанинг амалдаги ғолиби Эроннинг "Тасисат Дарёи" клуби ҳисобланади. "Чонбури Блювейв" мезбон сифатида биринчи саватчадан жой олди.  Қуръа ташлаш маросими бугун, 6 май куни Тошкент вақти билан соат 13:00да бошланади.


1-саватча: "Чонбури Блювейв" (Таиланд), "Тасисат Дарёи" (Эрон), "Санна Кан ХОА" (Вьетнам), "Нафит Ал Васат" (Ироқ)

2-саватча: "Нагоя Оушенс" (Япония), "Ал Маядин" (Ливан), "Ал Садд" (Қатар), "Далиан Юан Династи" (Хитой).

3-саватча: "Олмалиқ" (Ўзбекистон), "Дибба Ал Хиссин" (БАА), "Вик Виперс" (Австралия), "Таиповер" (Хитой Тайпеи)

Эслатиб ўтамиз, мусобақа 15-23 июль кунлари Бангконк шаҳрида бўлиб ўтади.