"Футболнинг чинакам мухлисалари"га аталади

Футболга қизиқиш ўтганми отадан,
Ёки сабаб бўлганмикан эрлари.
Балки ўзи шундайдир асли табиатан,
Футболнинг чинакам мухлисалари.

Энди эсин таниган жажжи қиз эди,
Футболга олиб борганди падари.
Эсида стадион тўла мухлис эди,
Футболнинг чинакам мухлисалари.

Акаси футболчи булмоқчи эди,
Армонга айланганда бу орзулари.
Ўша кун аламдан йиғлаган эди,
Футболнинг чинакам мухлисалари.

Йиллар ўтди улғайди жажжи қизалоқ,
Ортда қолди стадионда ўтган кунлари.
Хозир хам боргиси келади, бироқ...
Футболнинг чинакам мухлисалари.

САга кирасиз кунда, кунора,
Қизиқтирар юзерларнинг фикрлари.
Афсус, "халигидай" комментлар борда,
Футболнинг чинакам мухлисалари.
 
Сўкишиб, урушиб аламдан чиқар,
Жамоаси ютқазган эркаклар бари.
Улар кимга айтсин ичига ютар,
Футболнинг чинакам мухлисалари.

Аёллигингизни билиб қай юзер,
Гап отганда оғир ботди сўзлари.
Ўшалар номидан сўрайман узр,
Футболнинг чинакам мухлисалари.

Юрагимда ёмон ният йўк менинг,
Сиз учун шеъримнинг хар сатрлари.
Бахтимизга соғ булинг сиз Ўзбегимнинг,
Муслима, Муниса, Мухлисалари.


"FK Davr"