Футбол мактаблари ўртасидаги республика турнирида андижонликлар ғолиб бўлди

Айтиш лозимки, мазкур республика турнири саккизинчисидир. Ҳар йили ўтказиб келинадиган мусобақага бу сафар андижонликлар мезбонлик қилди. 

Ўйинлар Бўстон даҳасидаги болалар ва ўсмирлар футбол мактаби стадионида бўлиб ўтди. 

Унда жами 9та жамоа ғолиблик учун кураш олиб борди. Хусусан “Андижон”, “Насаф”, “Пахтакор”, “Динамо”, “Бухоро”, “Навбаҳор”, “Нефтчи”, “Шўртан” ҳамда “Бухоро-2” жамоалари икки гуруҳга бўлинган холда ўзар куч синашди.

Якунда эса финалга водий икки клуби йўл олди. Муҳаммадрасул Тўхтасинов боқшарувидаги “Андижон” ҳал қилувчи баҳсда “Нефтчи” билан рўбарў келди. Унда мезбонларнинг қўли баланд келиб, бош соврин айнан “Андижон” жамоасига насиб этди.  Ғолиблар Кубок ва бир қатор қимматбаҳо совғалар билан тақдирланди.

Исломбек Рустамбеков.