Франциялик футболчи тиббий кўрикдан ўта олмай "Машъал"дан кетди
02 сен 2015 21:17
Янгиликлар

Франциялик футболчи тиббий кўрикдан ўта олмай "Машъал"дан кетди

"Машъал" 1986 йилда Франциянинг Лион шаҳрида туғилган футболчи, Горан Жерковични трансфер ойнасининг сўнгги кунида ПФЛ "заявка"сидан ўтказди.

Горан Жеркович француз ва серб фуқоролигига эга футболчи ҳисобланади.

Бу футболчи Францияда "Лион-Дучере", Бельгияда "Шарльлеруа", Литвада "Жальгирис" ва "Таурас", Эронда "Истиқлол", Таиландда "Бурирам Юнайтед", "Бангкок Гласс" ва "Арми Юнайтед", Сербияда "Спартак Суботица" каби клубларда ўйнаган. Жами 114та ўйинда рақиблар дарвозасига 62та гол урган.

Жеркович 2012 йил "Истиқлол" сафида "Ҳафзи кубоги"ни қўлга киритди. "Бурирам Юнайтед" сафида 2012 йил Таиланд Футбол Ассоциацияси кубоги ва Таиланд лига кубогини қўлга киритган. Ўша йил футболчи Таиланд Футбол Ассоциацияси кубоги тўпурари бўлган.

Футболчи билан боғлиқ сўнгги масала тиббий кўрикда қолди. Ушбу масалада текширувлар узоқ муддат давом этди бироқ футболчи белгиланган тиббий кўрикдан ўта олмади. Шу боис томонлар ўртасида олиб борилган музокара тўхтатилди ва футболчи "Машъал" аъзосига айланмади.

Ҳавола :

Манба : fcmashal.uz

Янгиликларни Телеграмда ўқинг!

Рейтинг: +6