UZ

Сўнгги янгиликлар

21:15Марсело: "Реал" қўшимча кучга муҳтожми? Йўқ, бизда яхши жамоа бор"  0 20:55Аргентина термаси ФИФА кунлари икки ўртоқлик ўйини ўтказиш учун якуний таркибини эълон қилди  2 20:35Лукаку Санчесни "Интер"га чорламоқда  4 20:10Рибери Флоренция клуби билан музокаралардан сўнг тез орада трансфер бўйича қарор қабул қилади  0 19:50"Барселона" раҳбарияти ПСЖ ҳужумчиси Неймар трансфери бўйича юбориладиган таклифни қўллаб-қувватлади  14 19:35Икардининг хотини уни "Монако"га ўтаётгани борасидаги хабарни инкор этди  8 19:15АПЛ. Илк 2 ўйинида энг кўп гол урган футболчилар  7 18:43Давид Луис кетишига Лэмпард сабаб бўлганини айтди  5 18:20Ижарага бериб юборилган энг қиммат футболчилар  6 18:01Ўзбекистон U-19 терма жамоаси Иорданияда 2 та ўртоқлик ўйини ўтказади   5 17:51Омар Моманидан карикатура: Икки Лондон клубида ўйнаган Эшли Коул фаолиятини якунлади  7 17:28Симеоне Феликс ҳақида: "Биргина индивидуал ҳаракати билан нималарга қодир эканлигини кўрсатди"  11 17:10Б Про-лига 16-тур учрашувларида ишлайдиган расмий шахслар рўйхати  3 16:54"Бўрилар" "Қизил иблислар"га қарши, бугун ўтказиб юбориш тавсия этилмайдиган ўйин превьюси  26 16:44Coca-Cola Ўзбекистон кубоги: Чорак финал учрашувларида ишлайдиган расмий шахслар рўйхати  21

Fox Sports мухбири: "Голларга бой ўйин кўрсак керак" Янгиликлар

Fox Sports мухбири: "Голларга бой ўйин кўрсак керак"

Осиё Кубоги 1/8 финалидан ўрин олган Ўзбекистон - Австралия учрашувига саноқли соатлар қолмоқда.

Бу ўйинга қизиқиш ниҳоятда юқори деб бемалол айта оламиз. Майдонда жуда қизиқарли баҳс кечиши кутилмоқда. Худди биз каби австралиялик ҳамкасбларимиз ҳам учрашувни интиқлик билан кутишяпти. Ўйин стартига оз вақт қолаётган бир пайтда Австралиянинг Fox Sports телеканали мухбири Даниел Гарб билан суҳбатлашдик.    

- Ўйиндан нима кутяпсиз?
- Австралия Ўзбекистонга нисбатан кучлироқ, аммо ўйин қийин кечади. Австралиянинг ҳимоясида муаммолар кўп ва бундан рақиб фойдаланиб қолиши мумкин. Менга Шомуродовнинг ўйини ёқяпти. У жуда хавфли ва битта имкониятдан гол ура олади. Қолаверса Ўзбекистон терма жамоаси Австралиянинг гуруҳдаги рақибларидан фарқ қилади. Иккала жамоа ҳам футбол ўйнашни хоҳлайди. Осон бўлмайди, бироқ бизнинг жамоа анча хотиржам.

- Австралия ғалаба қозонишига қанчалик ишонасиз?
- 70 фоиз. Бунга аввало футболчилар даражасидаги фарқ билан қараяпман. Ўзбекистон терма жамоасида 3-4 нафар яхши савиядаги футболчи бор, лекин Австралияда бундай ўйинчилар кўпроқ деб ўйлайман. Аммо бу ҳам минусга кетиб қолиши мумкин. Чунки плей-офф босқичида исталган воқеани кутса бўлади.

- Австралия биринчи ўйинда Иорданияга имкониятни бой берганидан сўнг нима ўзгарди?
- Мағлубият икки карра ишлашга ундади. Футболчиларнинг ўз кучига бўлган ишончи ортди. Натижада Фаластин 3:0 ва ундан кейин Сурия 3:2 ҳисобида мағлуб этилди. Лекин бу ўйинлар ҳам осон кечгани йўқ. Айниқса Сурия кўп муаммо туғдирди. Лекин Ўзбекистон билан баҳс қизиқ кечади деб ўйлайман.

- Қайси футболчилар ўзини кўрсатади деб ўйлайсиз?
- Биздан Том Рогич, шунингдек қанот вингерлари Икономидис билан Мабил, сизлардан эса Шомуродов билан Аҳмедов деб ўйлайман.

- Гуруҳ босқичида иккала жамоа ҳам бештадан кўп гол урди. Австралия 6та, Ўзбекистон 7та. Шундан келиб чиқиб голларга бой ўйин кўришимиз мумкинми?
- Тўғрисини айтсам, мен ҳам шуни кутяпман. Ҳар икки жамоада ҳужумга ўтишни хуш кўрувчи футболчилар бор. Балки голлар кўп бўлар.

- Агар Австралия мағлубиятга учраса, бу жамоа учун қаттиқ зарба бўладими?
- Кутилмаган воқеа бўлиши мумкин, лекин зарба бўлади дея олмайман. Чунки мусобақанинг гуруҳ ўйинларидан кеейин исталган жамоа турнир билан хайрлашиши мумкин. Австралия амалдаги Осиё Кубоги соҳиби, бироқ бу мусобақага умуман бошқа таркиб ва ёш футболчилар билан келган.

- Мухлислар терма жамоангиздан нима кутишяпти?
- Ҳеч бўлмаса ярим финалга чиқишни. Айтиб ўтганимдек, бош мураббий Грехэм Арнольд кўплаб ёш футболчиларни олиб келган ва бу футболчилар билан кейинчалик жаҳон чемпионати саралаш босқичида ўйнашни хоҳлайди.

Х.Холиқов суҳбатлашди.

Рейтинг: +16   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг