Фотомақола. Ғофуровдан кейин навбатдаги “қурбон” Мельзитдинов бўладими?

Маълумки, “Локомотив” 15 февраль куни Жиззахнинг “Сўғдиёна” жамоасига қарши ўртоқлик учрашуви ўтказиб, 3:1 ҳисобида ғалаба қозонди. Бу ўйинда Анвар Ғофуров иккинчи бўлимда майдонга тушди.

Кеча эса “темирйўлчилар” жиззахликлар билан яна битта назорат баҳсини ўтказишди ва клуб расмий сайтида берилган таркибга кўра, “Локо” сафида Анвар Ғофуров кўринмаган.

“Сўғдиёна” билан биринчи ўйин ўтказилгач, Вадим Абрамов дастлаб Анвар Ғофуров кейин эса Руслан Мельзитдинов билан узоқ суҳбатлашди. Натижада қуйидаги фотомақола орқали Ғофуровдан кейин “Локо”нинг навбатдаги “қурбони” Мельзитдинов бўлса керак деган тахминга келдик. Буни эса расмлар билан изоҳлаб берамиз.




9 февраль. ОЧЛ плей-офф босқичи. Анвар Ғофуров “Қувайт СК”га қарши майдонга тушиб, 90 дақиқа ҳаракат қилди, бироқ ўзидан кутилган ўйинни намойиш қила олмади. 




15 февраль. “Обод” сунъий майдони. “Локомотив” – “Сўғдиёна” учрашувидан сўнг Вадим Абрамов уйига кетишга ҳозирлик кўраётган Анвар Ғофуровни олдига чақириб анча гаплашди.




Кейин Абрамовнинг кўзи Руслан Мельзитдиновга тушиб қолди ва униям ёнига чақириб олди.




Абрамов Мельзитдинов билан кулиб мийиғида гаплашди. Лекин бу жилмайишнинг тагида бир қанча маъно яширинган бўлиши мумкин.




Шундан кейин Абрамов “Локомотив” жамоаси бошлиғи Қобил Юнусов билан баъзи масалаларни муҳокама қилди.



 
Вадим Абрамов: “Бу йил нима қилиб бўлса ҳам чемпионлик ва Кубокни ютмасам бўлмайди”.

Фотомақолани Хайрулла Холиқов тайёрлади.