ФОТО. “Уайт Харт Лэйн” стадионининг бузилиши бошланди
15 май 2017 23:45
Янгиликлар

ФОТО. “Уайт Харт Лэйн” стадионининг бузилиши бошланди

Хабарингиз бор, 14 май куни “Тоттенхэм” клуби ўзининг жонажон “Уайт Харт Лэйн” стадионида сўнгги учрашувини ўтказди.

Эндиликда тарихий бўлиб қолган ўша учрашувда лондонликлар “Манчестер Юнайтед” клубини 2:1 ҳисобида мағлуб этишди. Чиройли ғалаба билан якунланган ўйин “Тоттенхэм” учун “Уайт Харт Лэйн”даги сўнгги уй учрашуви бўлиб қолди.

Айнан мана шу стадионда “Тоттенхэм” 1899 йилдан бери ўйнаб келаётганди. Бугундан “Уайт Харт Лэйн”ни бузиш ишлари бошлаб юборилди. Ишчилар ўриндиқларни кўчириш ва майдонни кавлаш билан бандлар.

Маълумот учун, “Тоттенхэм” келаси мавсумни “Уэмбли” стадионида ўтказади. 2018 йилда эса жамоа ўзининг 61 000 томошабинни ўз бағрига сиғдира олувчи янги стадионига эга бўлади. Бу ўйингоҳ ҳам “Уайт Харт Лэйн” стадионининг ёнида бунёд этиляпти.