Финал. "Динамо" тўладими?

Пахтакор Одилжон Ҳамробеков - 28'

Ўзбекистон кубоги. 3-тур 04/12/2021, 16:00 2 : 1 Тугади

Насаф Баҳром Абдураҳимов - 38', Ғолиб Ғайбуллаев - 75'

45'

90'

24'  Шаҳзод Азмиддинов

28'  Одилжон Ҳамробеков

28'  Фаррух Сайфиев

45'  Одилжон Ҳамробеков

46'  Шаҳзод Азмиддинов (Марлен Чобанов)

68'  Аббосбек Файзуллаев (Боян Матич)

80'  Сардор Собирхўжаев (Аброр Исмоилов)

80'  Достонбек Ҳамдамов (Азизбек Турғунбоев)

83'  Марлен Чобанов

90'  Шерзод Темиров (Диёр Холматов)

34'  Ойбек Бозоров

38'  Баҳром Абдураҳимов

38'  Шерзод Насруллаев

60'  Баҳром Абдураҳимов (Шаҳзод Акрамов)

60'  Абубакр Ризо Турдалиев (Муродбек Раҳматов)

61'  Шаҳзод Акрамов

75'  Ғолиб Ғайбуллаев

75'  Сухроб Нуруллоев

78'  Сухроб Нуруллоев (Алибек Давронов)

78'  Ҳусайин Норчаев (Шоҳмалик Комилов)

90'  Умиджон Эргашев

Матч-центрда очиш

Финал ўйинига Самарқанддаги "Динамо" стадиони мезбонлик қилади. Эслатиб ўтамиз, "Пахтакор" ва "Насаф" 2021 йилги футбол мавсумини айнан шу стадионда ўтган Суперкубок ўйини орқали очиб берганди. Мавсумга якуний нуқтани қўйиш ҳам шу жамоаларнинг чекига тушди. Манзил яна ўша.

"Динамо" ўйингоҳи — шу ном билан аталувчи Самарқанд вилояти бош жамоасининг уй стадиони. 1958 йилда ташкил этилган "Динамо" клуби 50 йилдан зиёдроқ вақт давомида айни ўйингоҳда тўп суриб келмоқда (2007 ва 2011 йиллар мустасно). 

Стадион 1962 йилда қурилган, ўша пайтлари сиғими 16 минг нафар томошабинга мўлжалланган эди. 2012 йилда эса заминавий тарзда реконструкция қилинган аренанинг бағри кичрайиб, 13 800 нафар мухлисга жой бера бошлади.

Маълумот учун, мамлакат кубоги финали 3-бор Самарқандга ишониб топширилди. Тарихга назар солсак, финаллар тарихи айнан "Шарқ гавҳари"дан бошланганига гувоҳ бўламиз:

1992. "Навбаҳор" 0:0 "Темирйўлчи" (ҳозирги "Қўқон-1912"). Пенальтилар серияси - 6:5.

2016. "Локомотив" 1:0 "Насаф".

Ўзбекистон кубогининг дастлабки финал якуний ўйинини 7 000 нафар ишқибоз "Динамо" стадионидан кузатган бўлса, 2016 йилда 8 150 нафар томошабин аренага ташриф буюрган эди.

Томошабинларнинг 2021 йилдаги статистикасига эътибор қаратсак, "Динамо" ўйингоҳига ташриф ўртача 2000 кишидан пастга тушгани йўқ. Агар навбатдаги беллашувнинг финал мақомидалигини инобатга олсак, бу миқдор сезиларли равишда ошиши мумкин. Шунингдек, "Насаф" ҳамда "Пахтакор" жамоалари ўртасидаги ўйинларнинг ҳар доим кескин ва муросасиз кечиши ҳам учрашувга қизиқишни орттириши бор гап. Бундан ташқари, ПФЛ ҳам кўпроқ мухлисларни жалб этиш мақсадида қатор кўнгилочар тадбирлар режалаштириб қўйган.

Асосийси, финални ўйингоҳнинг ўзидан томоша қилиш мутлақо бепул. Хуллас, ҳордиқ чиқариш учун имконият аталмиш нарса бор. Наҳот, шундан кейин ҳам бутун бошли Самарқанд мўжазгина стадионни тўлдира олмаса?

1) 5 йил. "Насаф"нинг охирги финалидан кимлар қолди?

2) Финал. Равшан Эрматов — мутлақ етакчи

3) Финал. "Насаф" "Пахтакор" билан нечанчи марта тўқнашади?