Фернандиньо: "Ливерпуль"ни уйда 5:0 ютганмиз"
09 апр 2018 18:50
Янгиликлар

Фернандиньо: "Ливерпуль"ни уйда 5:0 ютганмиз"

"Манчестер Сити" ярим ҳимоячиси Фернандиньо ЕЧЛ 1/4 финал жавоб учрашуви доирасида "Ливерпуль"га қарши баҳс олдидан фикрларини билдирди.

"Ҳозир жамоада керакли руҳий тайёргарликни таминлаш учун тажрибали ўйинчилар вазиятни ўз назоратларига олишлари керак.

Кетма-кет иккита мағлубиятни бошдан ўтказиш осон эмас. Мавсум давомида қилиб келган ишимизни бажаришимиз керак. Биз чемпионлик совринига яқинмиз.

Чемпионлар лигасида юришни давом эттириш учун имкониятимиз бор. Осон бўлмайди, лекин ҳаракат қиламиз. Мухлисларимиз биз билан ва биз охиригача курашамиз.

"Ливерпуль" билан уч маротаба ўйнадик ва уларни уйда 5:0 ютганмиз. Ўша куни биз яхши эдик. АПЛ доирасида "Энфилд"да 10 дақиқа ичида 3та гол ўтказдик, бу дахшат эди. ЕЧЛда эса учта тўп ўтказиб юбордик. Ҳар бир ўйиннинг ўз тарихи бор.

"Ливерпуль" узун паслар билан ўйнашни, тўп учун курашишни ёқтиради. Биз мана шу услубга тайёр бўламиз", - деди Фернандиньо.