"Fenerbaxche" Dominik Livakovich transferini rasman e'lon qildi. Istanbul klubi 28 yoshli darvozabon uchun Zagrebning "Dinamo"siga shartli ravishda 6,65 million evro to'laydi. Xorvatiyalik futbolchi bilan shartnoma 2028 yilning yoziga qadar tuzildi.
Dominik Livakovich uchun 2022 yilgi Jahon chempionati yuqori nuqta edi. U Xorvatiya terma jamoasiga bronza medallarini qo'lga kiritishga yordam bergandi. Xorvatiya Livakovich bilan 1/8 finalda Yaponiya va 1/4 finalda Braziliyani penaltilar seriyasiga ko'ra mag'lub etgan edi.
