UZ

Сўнгги янгиликлар

16:25Про лига. "Олимпик-MobiUz" – "Машъал" 0:0 (онлайн ҳисоб)  1 16:11"Барселона" тарбияланувчисини қайтармоқчи  0 15:41"Ницца" АПЛ клублари қизиқаётган ҳимоячиси учун нарх белгилади  0 15:10ПСЖнинг 2 нафар футболчиси сафга қайтди  0 14:08Шенсни "Юве"да қолиши учун маоши камайишига рози бўлиши керак  0 13:40Гризманн қайтди  1 13:21Дилмурод Назаров хотирасига бағишланган "Наврўз Кубоги-2024" мусобақаси қандай ўтди?  6 13:09"Бавария" "Штутгарт" вингерига кўз тикди  0 12:46"Манчестер Юнайтед" Каземирога ўринбосар топди  2 12:20Эшитдик-да! ФИФА "Бунёдкор"га илк санкцияни қўллади  23 11:48Клоппнинг ассистенти "Аякс" бош мураббийига айланиши мумкин  1 11:24Ўзбекистон – Гонконг учрашувида майдонга югуриб тушган мухлислар маъмурий жавобгарликка тортилди, 2 нафар шахс 5 суткага қамалди  22 10:57Пеп Гвардиола «Манчестер Сити»даги келажаги борасида бир қарорга келди  7 10:28«Бавария» Алонсони қўлга кирита олмаганидан сўнг бошқа бир топ мураббий билан шартнома тузмоқчи  1 10:00ЦСКА устози РПЛнинг энг кучли футболчиси кимлигини айтди  8

Феликс Санчес: "Ноодатий об-ҳаво бизга ноқулай келди" Янгиликлар

Феликс Санчес: "Ноодатий об-ҳаво бизга ноқулай келди"

Ўзбекистон - Қатар (2:0) учрашувидан кейинги матбуот анжуманида қатарликлар бош мураббийи Феликс Санчес ўз фикрларини билдирди.

- "Бугунги ўйин жамоамиз учун қийин ўтди. Биринчи бўлимда жамоамиз нисбатан яхшироқ кўринди. Аммо танаффусдан сўнг хатоларга йўл қўйдик. Айниқса ўтказиб юборилган голдан сўнг диққатни жамлашда қийналдик. Натижада ўйинимиз қовушмади. Шунингдек, мазкур ўйин ноодатий об-ҳавода ўтди. Бу ҳам ўз таъсирини кўрсатди. Тўғри, ўтган ўйинда Эквадор терма жамоасига дарвозасига 4 маротаба йўл топиб, ғалаба қозонгандик. Бугун эса битта ҳам гол уролмадик. Ҳар бир ўйин алоҳида тарих. Бир ўйинда кўрсатилган ўйинни ёки натижани бошқа бир баҳсда такрорлаш қийин бўлади. Қолаверса, Ўзбекистон топ даражадаги рақиб. Бугунги баҳсда яхши ўйнолмаганимизга уларнинг ҳам ҳиссаси бор. Ўзбекистон ўйин ташкил этишда жуда яхши ҳаракатланди. Рақиб бизга олдинги чизиқда деярли имконият қолдирмади.

Биз нафақат ўз уйимизда ўтадиган мундиални чамалаб, балки Осиё кубогида ҳам яхши натижа қайд этиш учун ишлаяпмиз. Жаҳон чемпионатига босқичма-босқич тайёргарлик кўрилади. Биз ЖЧ йўлида Осиё кубогини беэътибор қолдирмаймиз. БААда ўтадиган қитъа чемпионатига ҳам консентрацияни қаратамиз. Айнан шу орқали ЖЧга ҳам жиддий тайёргарлик кўрамиз.

Ҳимоядаги тартибсизлик? Тўғри, ўтган иккита баҳсда жами 5 гол ўтказдик. Бу кўп. Голлар албатта хатолар эвазига киритилади. Аммо бу билан мудофаа чизиғимиз муаммолар гирдобида қолган демаган бўлардим. Кейинги баҳсларга қадар ушбу мавжуд муаммо ва камчиликларни бартараф этамиз. Шуни ҳам алоҳида таъкидлаш керакки, биз иккала баҳсни жуда жиддий ва топ савиядаги рақиблар билан ўтказдик. Бугун ютқаздик, аммо яқин орада Ўзбекистон билан яна учрашишни истайман, ўшанда биз бошқача ўйнаймиз.

Ўтказилган иккинчи голни дарвозабоннинг хатосидан кўра футболчининг маҳоратига боғлаган бўлардим. Умуман олганда киперимиз бугун дарвозани яхши қўриқлади", - деди испаниялик мутахассис Феликс Санчес. 

Рейтинг: +33   

Фикрлар

championat.asia
< сўнгги янгиликларни кўриш
Яндекс.Метрика