Фахрийлар қорда ҳам футбол ўйнайди

Бугун бўлиб ўтган 4та ўйиндан сўнг барча чорак финалчилар маълум бўлди.

"Спартак" - "Қорақамиш" 4:1

"Полёт" - "Фахр" 3:2

"Метрострой" - "Ўзгариш" 2:0

"Интерспорт" - "Юнусобод" 8:0

Шундай қилиб, 25-26 декабрь кунги ўйинлардан сўнг 8та жамоа 1/4 финал йўлланмасига эга чиқди. Шунингдек, бугуннинг ўзида чорак финалга қуръа ташлаш маросими ўтказилди.

1/4 финал жуфтликлари. 9 январь. "Обод" стадиони

9:00. "Интерспорт" - "Спартак" 

10:00. "Узинтер" - "Олмазор" 

11:00. "Биллур" - "СардорУз" 

12:00. "Метрострой" - "Полёт"

Бугунги дастлабки иккита ўйин бирмунча яхши об-ҳавода кечди. Лекин кейинги иккита учрашув пайтида қор ёғди. Ҳатто ўйинни бошқа кунга қолдириш ҳақида ҳам гап-сўзлар бўлди. Бироқ фахрийлар тош ёғсаям ўйнаймиз деб туриб олишди. Бу томонлама уларга қойил қолмай илож йўқ. Натижада қалин қор ёғаётган бўлишига қарамай, кейинги иккита баҳс ҳам ўтказилди. 

Эслатиб ўтамиз, мазкур мусобақанинг бош ташкилотчиси Ўзбекистон "VETERAN" жангчи фахрийлар бирлашмаси бўлиб, турнир Тошкент шаҳар футбол ассоциацияси, Мудофаа Вазирлигининг фахрийлар ишлари бўйича Марказий кенгаши ва бошқа ташкилотлар ҳамкорлигида ўтказилмоқда.