ФарДУ бош мураббийи: "Асосий мақсад - "Универсиада-2019"

Фарғона давлат университетининг "ФарДУ" жамоаси 2016-йилда ташкил топган. Шундан буён жамоамиз турли мусобақаларда муносиб иштирок этиб келмоқда. Жамоамизнинг олдига қўйилган асосий мақсад ҳам шу, университет талабаларини республика ва вилоят миқёсида ўтказиладиган мусобақаларга, хусусан "Универсиада" ўйинларига муносиб тайёрлашдан иборат. Ўтган йилларда жамоамиз бир қатор ютуқларга эришди. Жумладан 2016 йилда Фарғона вилоят биринчилиги иккинчи лигада 1-ўрин, 2017 йилда 3-ўринни қўлга киритган. 2018 йилги мавсумда айни дамда жамоамиз турнир жадвалида 2-ўринни эгаллаб турибди.

Ҳозирда жамоамизни "Универсиада-2019" мусобақаларида муносиб иштирок этишини таъминлаш учун астойдил ҳаракат қилмоқдамиз. "Универсиада-2019" мусобақаларида ўтиш турнирларидан муваффақиятли ўтиб, финал босқичларига етиб борган тўрт жамоадан бири бўлишни мақсад қилганмиз.

Бугун шогирдларим турнинг марказий учрашувида кучли рақибга қарши муносиб ҳаракат қилишди. Мағлубиятга учраган бўлсакда, жамоамиз футболчилари кўрсатган ўйиндан қониқиш ҳосил қилдим. "Турон" жамоасига кейинги учрашувларда омад тилайман.

Бекзод Толибов ёзиб олди.