UZ

Европанинг энг вафодор футболчилари. Мухлислар уларни бошида кўтариб юриши керак Янгиликлар

Европанинг энг вафодор футболчилари. Мухлислар уларни бошида кўтариб юриши керак

Замонавий футбол бизнесга айланганига анча бўлди.

Футболчилар деярли ҳар йили клубини ўзгартириб, молиявий жиҳатдан фойдалироқ бўлган шартномани излашмоқда. Кўпчилик яхшигина даромад учун хатто энг ашаддий рақиби сафига ўтишга тайёр. Аммо ўз клубида қолиш учун маоши камайишига тайёр бўлган футболчилар ҳали ҳам бор. Афсуски бундай ўйинчилар кўп эмас. Биз шундай футболчиларнинг тўққизлигини эътиборингизга ҳавола қиламиз.


9. Серхио Бускетс, "Барселона". 12 йил ва 4 ой

Бускетс - "Барселона" футбол академияси тарбияланувчиси. У саккиз марта Испания, уч бора Чемпионлар лигаси, олти марта Испания Кубоги совринини қўлга киритган. Серхио 2008 йилдан бери Каталония клубининг асосий жамоасида ўйнайди. Тўғри, у фаолиятини "Барселона"да якунлаши аниқ эмас. Бускетс келажакдаги режаларини яшираётгани йўқ: Серхио каталонияликлар билан шартномаси якунланганидан сўнг MLSда ўйнамоқчи.


8. Хави Лопес, "Эспаньол". 13 йил ва 4 ой

Лопес 2000 йиллар ўртасидан "Эспаньол" шарафини ҳимоя қилади. Унинг асосий жамоадаги дебюти 2009 йилда содир бўлган. Тўғри, у ўша мавсум асосий таркиб футболчисига айлана олмади. Хави 2010/2011 мавсумда Маурисио Почеттино ёрдами билан бош жамоа таркибига қўшилди. Бироз вақт ўтиб унга сардорлик боғичи топширилди. 2017 йилда "Эспаньол" раҳбарияти футболчилар билан шартнома узайтиришни чўзиб юрди, аммо якунда муҳим ўйинчиларга битимлар таклиф этилди. Лопес ҳали ҳам "Эспаньол" шарафини ҳимоя қилмоқда.


7. Бруно Сориано, "Вильярреал". 13 йил ва 4 ой

Бруно - "сариқ сувости кемаси" тарбияланувчиси. У асосий жамоадаги илк учрашувини 2006 йилда ўтказган. Сориано "Вильярреал"га вафодорлигини жамоа Сегундага тушиб кетганида исботлаган. Ўшанда у "Валенсия" таклифини рад этган эди. 2013 йилда унинг "Рубин"га ўтиши мумкинлиги ҳақида миш-мишлар пайдо бўлганди. Аммо футболчи фаолиятини "Вильярреал"да якунлайдиган кўринади. Бруно ва клуб ўртасидаги битим 2020 йилда якунига етади. Сориано бу жамоа сафида 416та учрашув (клуб рекорди) ўтказган.


6. Сэмми Боссют, "Зюлте-Варегем". 13 йил ва 4 ой

Боссют 13 йилдан бери "Зюлте-Варегем" дарвозасини ҳимоя қилиб келяпти. У ҳеч қачон нуфузлироқ клубга ўтиш ҳақида ўйламаган. Футболчи фаолиятидаги энг йирик муваффақият 2012/13 мавсум Бельгия чемпионатидаги кумуш медаллар бўлган.


5. Жоржо Кьеллини, "Ювентус". 14 йил ва 4 ой

Кьеллини - "Ювентус"нинг ҳақиқий афсонаси. У қийин даврларда жамоаси жонига оро кирган. Турин клуби келишилган ўйинлар можароси туфайли B Серияга тушириб юборилганди, Жоржо ва бошқа футболчилар "Юве"ни тарк этмай, уни элитага қайтаришди. Кьеллини "кекса синьора" сафида саккиз марта Италия чемпионати, 3 марта мамлакат Кубоги ва тўрт маротаба Италия Суперкубоги совринини қўлга киритган. Футболчи "зебралар" сафида 385та учрашув ўтказишга муваффақ бўлди. Жоржо "Ювентус"нинг чемпионатдаги муваффақиятсиз иштирокидан сўнг 2010 йилда "Реал"га ўтиши мумкин эди, аммо трансфер амалга ошмади. Кейинроқ футболчи иккита йўл борлиги ҳақида айтди: "Ёки клуб сени сотиб юборади, чунки унга керак эмассан ёки жамоада қоласан". "Ювентус" ўз афсонасини сотмади.


4. Франческо Маньянелли, "Сассуоло". 14 йил ва 4 ой

Ярим ҳимоячи 14 йилдан бери бир клуб тизимида футбол ўйнайди. У "Сассуоло" сафида 386та учрашувда майдонга тушган. Футболчи жамоасига А Серияга чиқишга ёрдам берди. Франческо ўтказилган ўйинлар сони бўйича "Сассуоло" рекордчиси ҳисобланади.


3. Лионель Месси, "Барселона". 15 йил ва 10 ой

Месси 17 ёшидан бери "Барселона" асосий жамоаси шарафини ҳимоя қилади. Ўшандан бери у клуб билан 10та Испания чемпионати, 4та Чемпионлар лигаси, 6та Испания Кубоги, 8та Испания Суперкубоги, 3та Суперкубоги, 3та клублар ўртасидаги жаҳон чемпионати бош совринини қўлга киритди. Лео 6 марта Испания чемпионати ва Чемпионлар лигаси тўпурарига айланди. Кўплаб клублар аргентиналикка қизиқиш билдирди ва бу қизиқишлар тўхтагани йўқ. 2014 йилда ПСЖ раҳбарияти "Барселона"га Мессининг шартномасида белгиланган 250 млн. евро таклиф қилди. Аммо Лионель клубини ўзгартиришни истамади. Шу билан бирга "Манчестер Сити" томонидан қизиқиш бўлди. Аргентиналикнинг шартномасидаги ҳозирги товон пули 700 млн. евро.


2. Лоик Перрен, "Сент-Этьен". 16 йил ва 4 ой

Лоик Перрен - "Сент-Этьен" тарбияланувчиси. Жамоа сардори 2008 йилдан бери клубда. Перрен - 2012/13 мавсум Франция лига Кубогида зафар қучди. Биринчи совринидан сўнг футболчига кўплаб клублар қизиқа бошлади. Аммо у фақат Чемпионлар лигасида мунтазам қатнашадиган клубга ўтишини маълум қилган. "Арсенал"дан таклиф бўлди, аммо иш трансфергача етиб бормади. Кейинроқ Паррен фаолияти охиригача "Сент-Этьен"да қолишини эълон қилди. Футболчи 2018 йилда клуб сафидаги 400-учрашувини ўтказди.


1. Игорь Акинфеев, ЦСКА. 16 йил ва 10 ой

ЦСКА посбони энг вафодор футболчилар рўйхати етакчиси деб топилди. Игорь 5 ёшидан бери "армиячилар" сафида ва у 16 ёшида асосий таркибда дебют қилган. Евро-2008даги муваффақиятли иштирокдан сўнг Акинфеевнинг "Бавария"га ўтиши борасида миш-мишлар пайдо бўлди, аммо у ерга Нойерни таклиф қилишди. Ўша қишда "Манчестер Юнайтед" ва "Арсенал" ҳақида янги миш-мишлар авж олди. Дарвозабон бутун фаолиятини ЦСКАда қолишга қарор қилди. ЦСКА президенти Евгений Гинер интервьюларининг бирида шундай деган: "ЦСКА - Акинфеевнинг уйи, Игорь клубнинг катта хўжайини". Посбон ЦСКА сафида 732та учрашув ўтказишга муваффақ бўлган.

Рейтинг: +31   

Фикрлар

+8   
22 ноя 13:31:18
Mil.bar.liv.dort.
N_1 ga shomurodov dubil qilgan. Mana statistika.
+7   
22 ноя 13:08:07
BEKSULTON
Адилбай Алланиязов фойдаланувчининг фикрига жавоб бериш
Boshqasin bilmadim lekin Messi yoqalib ketishdan qorqib bir jomaoada oynayabti Levandovski muxlisi
Sizningcha Pele ham yo'qolib ketishdan qo'rqib faqat Santosda o'ynaganmi?
+6   
22 ноя 13:12:33
BEKSULTON
Mourinho-Specialone фойдаланувчининг фикрига жавоб бериш
Курмисан? N-3 турибдику! Хазил албатта)
Shunchaki Messi uchun taqdim qilingan pul aqlimni shoshirib qo'ydi.
+5   
22 ноя 14:11:30
Liverpool0890
Manutd20 фойдаланувчининг фикрига жавоб бериш
24 йил МЮ да ўйнаган Гигзни танимаса керак а бу мақолани ёзганлар
Scholes Giggz Gerrard Carrager ular o'yinchi emas maqola egasi futbol ko'rmaydi
+2   
22 ноя 13:47:21
MYU POGBA
Bu hozir faoliyatini davom ettirayotgan oyinchilar haqida bu faqat bitta klubda oynagan futbolchilar akalar buffon casilas ramos pike boshqa jamoalarda oynashganda
+2   
22 ноя 13:40:30
MARVEL
Messi salkam 16 yil BARSAda o'ynapti, gap yo'q. Lekin shu vaqt ichida 9 marta shartnomasini o'zgartirgan ekan. Hammasi ma'lum...
+2   
22 ноя 13:13:03
Папи
Адилбай Алланиязов фойдаланувчининг фикрига жавоб бериш
Boshqasin bilmadim lekin Messi yoqalib ketishdan qorqib bir jomaoada oynayabti Levandovski muxlisi
Бунака далбаёб фикрла ану хунасани фанаткаларидан чикади мистр
+2   
22 ноя 13:10:33
Mourinho-Specialone
BEKSULTON фойдаланувчининг фикрига жавоб бериш
Messi N1!
Курмисан? N-3 турибдику! Хазил албатта)
+2   
22 ноя 13:09:51
chelsea_buxara
Del piyero maldinilar qani
+2   
22 ноя 13:06:57
BEKSULTON
Messi N1!
+1   
22 ноя 14:34:35
Manutd20
"-" босганларга рахмат футбол ва футболчилар хақидаги фикрлаштнгиз гўзал. "Гигзни кўпчилик танимиди Акинфеев машхурроқда"
+1   
22 ноя 13:06:08
Адилбай Алланиязов
Boshqasin bilmadim lekin Messi yoqalib ketishdan qorqib bir jomaoada oynayabti
Levandovski muxlisi
   
22 ноя 22:53:36
Zarbdor city
Tasonno qoyile
   
22 ноя 21:26:13
star_boy
messiga qoil shuncha summaga ham o'z jamosani o'zgartirmagan
u barca uchun tug'ukgan
   
22 ноя 20:55:50
Admiral_707
Soqqani yeeeb yotgandan keyin kamandasiga "sodiq" boʻladide
championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг