Европадаги яна бир чемпионат тикланмоқда

Польша премьер-министри Матеуш Моравецкий ҳамда мамлакат спорт вазири Данута Дмовская биргаликда матбуот анжуманини ўтказишди ва унда карантиндан кейинги режалар маълум қилинди.

Функционерлар бу борадаги режалар фақатгина коронавируснинг янги оқими бошлансагина ўзгариши мумкинлигини айтишди.

3-4 май - барча футболчилар ва клублар ишчиларини тестдан ўтказиш
4 май - бир неча гуруҳга бўлинган ҳолда машғулотларда қатнашиш
10 май - жамоавий машғулотлар
27-28 май - барча футболчилар, ҳакамлар ва улар билан гаплашадиган шаҳсларни текшириш
29-31 май - чемпионатнинг 27-турини мухлисларсиз ўтказиш
18-19 июль - чемпионатнинг сўнгги турини ўтказиш

Экстракласда 26 тур ўйнаб бўлинган: айни дамда "Легия" 51 очко билан пешқадам, унинг ортидан "Пьяст" 43 очко билан бормоқда. 3-қатор учун эса бир йўла 3 клуб курашмоқда: "Краковия", "Шленск", "Лех" - 42 очкодан.

Польшада коронавирусдан зарарланганлар 11067 нафарни ташкил қилмоқда. Шулардан 2126 нафар тузалган бўлса, 499 нафари вафот этган.

Олдинроқ Германияда Бундеслига баҳслари 9 май кунидан давом эттирилиши борасида маълумотлар тарқаганди.