UZ

Сўнгги янгиликлар

Европада коронавирус алангаланиб кетишига ЕЧЛ ўйинлари сабаб бўлдими? Янгиликлар

Европада коронавирус алангаланиб кетишига ЕЧЛ ўйинлари сабаб бўлдими?

Шифокорлар фикрича, клублар ўртасидаги асосий турнирни аввалроқ тўхтатиш керак эди.

Бир ой олдин Чемпинолар лигаси 1/8 финал босқичининг жавоб учрашувлари ўтказилган эди. Шундан сўнг, коронавирус пандемияси туфайли мусобақа тўхтатилди. Шифокор ва олимлар мазкур баҳслар касалликнинг қитьа бўйлаб кенг миқёсда тарқалиб кетишига сабаб бўлди, деб ҳисоблашади. Тиббий мутахассислар ушбу ўйинларни "барчаси бошланган ўйин" ёки "биологик бомба" деб аташади. Биз ЕЧЛнинг қайси ўйинлари ҳудудлардаги эпидемиологик вазиятга жиддий таъсир кўрсатганини аниқладик.

"Лион" — "Ювентус" (1:0): "барчаси бошланган ўйин"

Томошабинлар сони: 57 335

Франциянинг "L'Equipe" нашри ёзишича, ушбу ўйин Францияда коронавирус тарқалишида муҳим рол ўйнаган. Газетада итальян ишқибозларининг оқими минтақада касалликлар сонининг кўпайиши учун бош сабаб бўлиши мумкинлиги алоҳида таъкидланди.

Маҳаллий касаба уюшмаси раҳбари Марсель Гарригу-Граншамп:

"Бу ўйин ўтказилмаслиги керак эди. Лионга фақат Пьемонт вилоятидан эмас, ўша пайтда хавф зонаси ҳисобланмаган бутун Италия ҳудудидан ишқибозлар ташриф буюрганди".

"Аталанта" — "Валенсия" (4:1): "биологик бомба"

Томошабинлар сони: 44 236

Шифокорлар мазкур учрашув Италияда коронавирус тарқалишининг асосий сабаби эканини таъкидлашди. Мамлакатдаги шифохоналардан бирининг пульмонология бўлими бошлиғи Фабиано Ди Марко "OK Diario" нашрига берган интервьюсида шундай деди: 

"19 февралда Бергамонинг 40 минг аҳолиси "Аталанта"ни қўллаб-қувватлаш учун "Сан-Сиро"га ташриф буюрди. Улар автобус, поездларда ташриф буюришди. Афсуски, бу биологик бомбага айланиб кетди".

Италиялик иммунолог Франческо Ле Фош:

"Ўша баҳсдан кейин 1 ой ўтди. Стадионда одамлар жипс жойлашган, бақириқлар, эйфорияга берилиганлар бир-бирини қучоқлаган... Буларнинг барчаси вирус тарқалишига ёрдам бериши мумкин.

Бергамо мэри Джорджио Гори ўша ўйин туфайли коронавирус нафақат Италияда, балки Испанияда тарқалишига сабаб бўлганини ҳам айтди:

"Ўша пайтда чинакам вазиятдан хабаримиз йўқ эди. Италияда биринчи бемор 23 февраль куни аниқланган. Агар вирус олдинроқ тарқалган бўлса, "Сан-Сиро"га йиғилган 40 минг мухлиснинг барчасига юққан бўлиши мумкин. 

Аммо инфекция тарқалишининг эписентри "Альцано Ломбардо" шифохонаси бўлиши ҳам мумкин. У ерда ноаниқ пневмония билан оғриган беморлар бошқа касаллар, шифокор ва ҳамшираларга вирусни юқтирган".

"Ливерпуль" — "Атлетико" (2:3): "жиддий қабул қилинмади"

Томошабинлар сони: 52 267

Ливерпуль соғлиқни сақлаш бошқармаси бошлиғи Мэтью Эштоннинг таъкидлашича Юрген Клопп ва "Атлетико" ўртасидаги ўйин шаҳарда коронавирус инфекциянинг кучайишига олиб келган. Учрашув 11 март куни ўтказилганди. Эслатиб ўтамиз, жаҳон соғлиқни сақлаш ташкилоти шу куни вазиятни пандемия деб эълон қилганди.

Мазкур учрашувлар ўтказилган паллада Хитой Европа мамлакатлари жуда узоқ ва етиб бўлмасдек туюлганди. Натижада, касаллик тезкорлик билан алангаланиб кетди. Аммо ҳозир инфекциянинг тарқалиши секинлашгани таъкидланмоқда. Катта эҳтимолки, еврокубоклар яна тикланса, пандемиянинг иккинчи тўлқинини қўзғатиб юбормаслик учун томошабинларсиз ўтказилади.

Фахриддин Рўзиев таржимаси

Рейтинг:    

Фикрлар

+1   
07 апр 14:28:17
Humo 79
Америкадаги вазиятчи
   
08 апр 10:09:27
Usmonov Umid
Оллох барчамизи уз панохида асрасин
   
07 апр 15:52:05
Italiano10
Bu bir bahona virus tarqalishi taqdirda bor ekan wunday boldi.
   
07 апр 14:59:59
Azim Obidov
Fudbolga tonkavurlarin endi aybbi
championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг