Yevropa ligasi. Yarim finalga qur'a tashlandi, MYU Ispaniyaga keladi

Narzulla Saydullayev

21 apr 2017, 16:19

Yevropa ligasining yarim finaliga qur'a tashlash marosimi bo'lib o'tdi.

Qur'a jarayonida hech qanday cheklovlar bo'lmaydi, yani istalgan klubga istalgan klub raqiblik qilishi mumkin. Bundan tashqari ertaga finalda qaysi juftlik g'olibi rasmiy mezbon bo'lishi ham aniqlab olinadi.

Yarim finalga chiqqan to'rt klub:
"Ayaks" (Gollandiya)
"Lion" (Fransiya)
"Manchester Yunayted" (Angliya)
"Selta" (Ispaniya)

Yevropa ligasi yarim final juftliklarini shvetsiyalik sobiq futbol yulduzi Patrik Andersson aniqlab beradi.

Yarim final juftliklari:

"Ayaks" (Gollandiya) - "Lion" (Fransiya)
"Selta" (Ispaniya) - "Manchester Yunayted" (Angliya)

Yarim finalning dastlabki o'yinlari 4 may kuni, javob bahslari 11 may kuniga belgilangan. 24 may kuni Shvetsiyadagi "Friends Arena" stadionida bo'lib o'tadigan final uchrashuvida "Ayaks" - "Lion" juftligi g'olibi rasmiy mezbon bo'ladi.