Европа лигаси. Ярим финалга қуръа ташланди, МЮ Испанияга келади
21 апр 2017 16:19
Янгиликлар

Европа лигаси. Ярим финалга қуръа ташланди, МЮ Испанияга келади

Европа лигасининг ярим финалига қуръа ташлаш маросими бўлиб ўтди.

Қуръа жараёнида ҳеч қандай чекловлар бўлмайди, яъни исталган клубга исталган клуб рақиблик қилиши мумкин. Бундан ташқари эртага финалда қайси жуфтлик ғолиби расмий мезбон бўлиши ҳам аниқлаб олинади.

Ярим финалга чиққан тўрт клуб:
"Аякс" (Голландия)
"Лион" (Франция)
"Манчестер Юнайтед" (Англия)
"Сельта" (Испания)

Европа лигаси ярим финал жуфтликларини швециялик собиқ футбол юлдузи Патрик Андерссон аниқлаб беради.

Ярим финал жуфтликлари:

"Аякс" (Голландия) - "Лион" (Франция)
"Сельта" (Испания) - "Манчестер Юнайтед" (Англия)

Ярим финалнинг дастлабки ўйинлари 4 май куни, жавоб баҳслари 11 май кунига белгиланган. 24 май куни Швециядаги "Friends Arena" стадионида бўлиб ўтадиган финал учрашувида "Аякс" - "Лион" жуфтлиги ғолиби расмий мезбон бўлади.