"Эсхата" устози Шуҳрат Умаров: "Шацкихга омад, ОЧЛда "Андижон"га мухлислик қиламиз"
19 июл 10:05
Янгиликлар

"Эсхата" устози Шуҳрат Умаров: "Шацкихга омад, ОЧЛда "Андижон"га мухлислик қиламиз"

"Андижон" жамоаси Тожикистондаги йиғин доирасида илк назорат учрашувида "Эсхата"га қарши майдонга тушди.

"Андижон" – "Эсхата" (4:2) беллашувидан сўнг “Андижон” матбуот хизмати рақиб жамоа бош мураббийи Шуҳрат Умаровдан ўйин ҳақидаги фикрларини сўради.

“Биз учун ҳам йиғиндаги биринчи ўйин бўлди. Ўйин яхши ўтди. "Андижон" ажойиб жамоа. Кейинги ўйинларида омад тилайман, айниқса, Осиё Чемпионлар лигаси 2 турнирида. Гуруҳ баҳсларида қатнашади ва жамоага мухлислик қиламиз. Сабаби қўшнилармиз. Шунингдек, бош мураббий Максим Шацкихга ҳам ишларида омад тилайман.

Қизиқарли ўйин бўлиб ўтди. Жамоамиз йиғинида бир қатор ёшлар ҳам бор. Уларни йиғинда синаб кўрмоқдамиз. Учрашув давомида иккита вазиятда гол ура олмадик, рақиб эса имкониятларидан фойдаланди. Яна ишлашда давом этамиз, жамоангизга омад тилайман”, – деди "Эсхата" бош мураббийи.

Ҳавола :

Манба : "Андижон" матбуот хизмати

Янгиликларни Телеграмда ўқинг!

Рейтинг: +2