Эшли Янг: «Луи ван Гал ва клуб раҳбариятидан бошқа ҳеч кимни эшитмаймиз»

Қийин кечган курашда биз ғолиб чиқдик. Бизнинг асосий мақсадимиз ушбу ўйинда уч очкога эга чиқиш эди ва буни уддаладик. Биринчи бўлимда ҳам бир қатор имкониятларга эга бўлгандик. Аммо булардан фойдалана олмадик. Учрашув сўнггида яратилган вазиятдан фойдаландим ва жамоамиз учун жуда муҳим голни киритдим. Бундан албатта жуда хурсандман.
Мухлислар ҳар доим катта жамоаларнинг ўйини ва натижаси ҳақида гапириб келишади. Лекин биз бунга эътибор қаратмаймиз ва чалғимаймиз. Биз бош мураббий ва клуб раҳбариятидан бошқа ҳеч кимни эшитмаймиз. Ўйин давомида турнир жадвалидаги асосий рақибларимизнинг ўйинларидаги ҳисоб билан танишиб бораётгандик. Барча рақибларимиз ғалаба қозонишди ва биз ҳам уч очкони қўлга киритишимиз жуда муҳим эди.