Эшитдик-да! Ўзбекистон U-23 терма жамоасининг яна бир футболчиси легионерга айланиши мумкин

Суперлигада биринчи давра якунига етди

Ўзбекистон олимпия терма жамоаси футболчиларидан яна бири ёзги трансфер ойнасида легионерга айланиши мумкин. Гап "Олимпик" ҳужумчиси Алишер Одилов ҳақида кетмоқда. "Championat.asia" олган маълумотга кўра, Одилов вакиллари бир қатор турк клублари ва БААнинг "Ал Ваҳда" жамоаси билан музокаралар олиб боришмоқда. Турк жамоалари орасида бошқа бир ҳамюртимиз Ҳусниддин Алиқулов тўп тепадиган "Ризеспор" жамоаси ҳам бор. "Ал Ваҳда" таркибида эса Ҳожимат Эркинов ҳаракат қилади.

Ёдингизда бўлса, Одиловга мавсум аввалида "Навбаҳор" жамоаси жиддий қизиқиш билдирган эди. Ёзда ҳам уни ўз сафида кўрмоқчи бўлаётган ўзбек клублари бор. Аммо, ҳужумчининг ўзи легионерга айланишни хоҳламоқда.

Алишер Одилов жорий мавсум Суперлигада 12та ўйин ўтказди ва 3та гол уриб, 1та ассист берди.