Чорак финалнинг дастлабки икки ўйини соат 13:00да, кейинги иккита ўйин соат 16:00да бошланиши режалаштирилган.
ЎзПФЛ ҳамда “Спорт-ТВ” ўзаро келишиб, ярим финал учун қуръа ташлаш маросимини сўнгги икки ўйин якунига етиши билан ўтказишга қарор қилди. Қуръа ташлаш маросими сўнгги ўйинлар тугаши билан “Спорт-ТВ” орқали жонли намойиш этилади.
Қуръа аввалги содда форматда ўтади. Бунда саватчадан биринчи олинган клуб ярим финални ўз майдонида ўтказади, кейинги жамоа эса ўз-ўзидан унинг рақибига айланади.
