Эндрю Робертсон Испания клубига ўтишга рози бўлди

Манба маълумотларига кўра, 31 ёшли шотландиялик футболчи Европа жамоаларидан бирида юқори даражада ўйнашни ва Чемпионлар лигасида иштирок этишни давом эттирмоқчи. Таъкидланишича, венгриялик ҳимоячи Милош Керкезнинг "Ливерпул"га ўтиши натижасида Робертсоннинг ўрнига инглиз жамоасида рақобат кучаяди, шу боис футболчи жамоа алмаштириш ҳақида ўйламоқда.

Робертсоннинг "Ливерпуль" билан шартномаси 2026 йил ёзида якунланади. Ўтган мавсумда ҳимоячи барча мусобақаларда 45 та ўйинда иштирок этиб, 2 та голли узатма берган. Transfermarkt порталида келтирилган маълумотларга кўра, футболчининг трансфер қиймати 18 миллион еврони ташкил этади.