Элдорбек Суюнов: "Шуҳрат Муҳаммадиев фаол ўйнади"

"Учрашув ҳар иккала жамоа учун қийин кечди. Биз ўзимизнинг энг асосий мақсадимиз - ғалаба қозонишни уддаладик. Мураббийнинг ўйинга берган кўрсатмаси? Бу ўйинда уч очкони қўлга киритдик, демак мураббийнинг берган кўрсатмасини тўғри бажардик. Иккинчи голдан кейин жамоамиз ўйинида пасайиш юзага келгани бор гап. Ҳисоб 2:0 кўринишига келгандан сўнг футболчиларда хотиржамлик юзага келди. Футболда 2:0 ҳисоби жуда хавфли ҳисобланади. Чунки ютаётган жамоа иккинчи голдан сўнг бироз бўшашиб қолади. Бу жуда кўп маротаба исботланган. Бизда ҳам шу нарса кузатилди. Лекин ўтказиб юборилган голдан сўнг ўзимизга келдик. Учрашувнинг энг яхши футболчиси ким? Менимча, Шуҳрат Муҳаммадиев бугун жуда фаол ўйнади. Жамоамиз гуруҳдан чиқа олишига ишонаман. Бунга кучимиз етади. Муҳими - кейинги ўйинларда ҳам керакли очколарни жамғариш лозим", - дейди Элдорбек Суюнов.